Adani Enterprises FPO : अदानी एंटरप्रायझेसची फॉलो-ऑन पब्लिक ऑफर (FPO) आजपासून सुरू होत आहे. अदानी एंटरप्रायझेस भारतीय शेअर बाजाराच्या इतिहासातील सर्वात मोठ्या एफपीओद्वारे 20,000 कोटी रुपये उभारण्यासाठी सज्ज आहे.
अदानी ग्रुपच्या अदानी एंटरप्रायझेसची फॉलो-ऑन पब्लिक ऑफर आजपासून 31 जानेवारीपर्यंत सुरू होईल आणि गुंतवणूकदार एफपीओसाठी अर्ज करू शकतील.
अदानी एंटरप्रायझेस FPO किंमत बँड आणि इतर तपशील :
अदानी एंटरप्रायझेस एफपीओच्या माध्यमातून बाजारातून 20,000 कोटी रुपये उभारणार आहे. किरकोळ गुंतवणूकदारांना सवलतीच्या दराने शेअर्स जारी केले जातील.
अदानी एंटरप्रायझेसने एफपीओची किंमत 3112 रुपये ते 3276 रुपये प्रति शेअर निश्चित केली आहे. लोअर बँडवर कंपनीच्या स्टॉकवर 13.5 टक्के सूट दिली जात आहे. तर किरकोळ गुंतवणूकदारांना रु.64 ची स्वतंत्र सूट दिली जाईल.
अदानी एंटरप्रायझेस शेअर्सचे GMP :
अदानी एंटरप्रायझेसच्या शेअर्सचा ग्रे मार्केट प्रीमियम काल 45 रुपये होता, जो त्याच्या बुधवारच्या GMP पेक्षा 55 रुपये कमी आहे. बुधवारी कंपनीच्या शेअर्सचा जीएमपी 100 रुपयांवर होता.
किरकोळ गुंतवणूकदारांसाठी 35% कोटा राखीव :
25 जानेवारी 2023 रोजी अदानी एंटरप्रायझेसच्या FPO मध्ये अर्ज केला आहे. कंपनी अंशतः सशुल्क आधारावर शेअर्स जारी करेल.
हेही वाचा : ...इथं बनतो आपला लाडका तिरंगा
कंपनी अदानी एंटरप्रायझेसच्या FPO मध्ये ज्या किरकोळ गुंतवणूकदारांना शेअर्स वाटप केले जातील त्यांना दोन किंवा तीन हप्त्यांमध्ये रक्कम भरण्यास सांगू शकते. FPO मध्ये 35 टक्के कोटा किरकोळ गुंतवणूकदारांसाठी राखीव असेल.
कंपनीच्या शेअर्सचे वाटप कधी करता येईल?
अदानी एंटरप्रायझेसच्या शेअर्सचे वाटप 3 फेब्रुवारीला होणे अपेक्षित आहे. त्याच्या समभागांची सूची NSE आणि BSE दोन्हीवर होईल आणि सूचीबद्ध होण्याची तारीख 8 फेब्रुवारी अपेक्षित आहे.
कंपनी पैसे का उभारत आहे?
एफपीओद्वारे उभारलेल्या रकमेपैकी 4170 कोटी रुपये कर्जाची परतफेड करण्यासाठी वापरले जातील. यासोबतच कंपनी उर्वरित रक्कम आपल्या विस्तार योजनेवर खर्च करणार आहे. अदानी एंटरप्रायझेसच्या एफपीओनंतर कंपनीतील संस्थापकांचा हिस्सा 3.5 टक्क्यांनी खाली येईल.
सप्टेंबर 2022 च्या आकडेवारीनुसार, कंपनीतील प्रमोटर्सचा हिस्सा 72.63 टक्के होता. LIC ची 4.03 टक्के हिस्सेदारी आहे. याशिवाय नोमुरा सिंगापूर, एपीएमएस इन्व्हेस्टमेंट फंड, इलारा इंडिया अपॉर्च्युनिटीज फंड यांचा कंपनीत सुमारे 1 ते 2 टक्के हिस्सा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.