भारती एअरटेलने (Bharti Airtel) 5G सेवा सुरू करण्याच्या दिशेने आणखी एक मोठे पाऊल उचलले आहे. एअरटेलने टाटा ग्रुप (Tata group) ची कंपनी टीसीएस (TCS) सोबत स्ट्रॅटेजिक पार्टनरशीप केली आहे. ही पार्टनरशीप 5G नेटवर्क सोल्यूशनसाठी झाली आहे. यात टीसीएसने एअरटेलसाठी 5 जी नेटवर्क सोल्यूशन विकसित केले आहे, जे पूर्णपणे स्वदेशी आहे. एअरटेल 5G टेक्नोलॉजी ची सुरुवात जानेवारी 2022 पासून सुरू करेल. सुरुवातीला हा पायलट प्रोजेक्ट म्हणून केले जाईल. (Bharti Airtel, TCS announce collaboration to build 5G networks in India)

TCS ने नवीन तंत्रज्ञान विकसित केले

टीसीएसने O-RAN (ओपन रेडिओ एक्सेस नेटवर्क) आधारित रेडिओ आणि NSA / SA (नॉन-स्टँडअलोन / स्टँडअलोन) कोर विकसित केला आहे. हे पूर्णपणे स्वदेशीरित्या डेव्हलप केलेले सोल्युशन आहे. टीसीएसकडे ग्लोबल सिस्टम इंटीग्रेशन आणि 5G साठी आवश्यक तंत्रज्ञान विकसित करण्याची क्षमता आहे. टाटा कन्सल्टन्सी सर्व्हिसेस 3 GPP आणि O-RAN या दोन्हीसाठी एंड-टू-एंड सोल्यूशन उपलब्ध करतात.

ग्लोबल स्टँडर्ड

भारत सरकारने ठरवलेल्या नियमांनुसार, जानेवारी 2022 पासून, एअरटेल या टीसीएस सोल्यूशनचा उपयोग भारतात 5 G सेवा सुरू करण्यासाठी करू शकेल. पायलट प्रोजेक्टपासून याची सुरूवात होईल. हा प्रोजेक्ट मेड इन इंडिया 5 G प्रॉडक्ट आणि सोल्यूशन्स ग्लोबल स्टँडर्डच्या अनुषंगाने आहेत.