खासगी क्षेत्रातील प्रमुख अ‍ॅक्सिस बँकेने (Axis Bank) सिटीग्रुपचा ग्राहक बँकिंग व्यवसाय, क्रेडिट कार्ड (Credit Card), रिटेल बँकिंग, ग्राहक कर्ज (Loan) आणि मालमत्ता व्यवस्थापन यासह 12,325 कोटी रुपयांना विकत घेतले आहे. बँकेने बुधवारी याबाबत माहिती दिली. या अधिग्रहणानंतर, अनेक ब्रोकरेज कंपन्यांनी अ‍ॅक्सिस बँकेच्या शेअर्सवर त्यांचे खरेदीचे मत कायम ठेवले आहे आणि गुंतवणूकदारांना नवीन टारगेट दिले आहेत.

अ‍ॅक्सिस बँकेचा सिटीग्रुपशी करार

अ‍ॅक्सिस बँकेने सिटीग्रुपचा भारतीय ग्राहक आणि संपत्ती व्यवसाय ताब्यात घेतला होता. यानंतर, अ‍ॅक्सिस बँकेकडे सिटी बँकेचे सुमारे 30 लाख ग्राहक असतील आणि क्रेडिट कार्ड पोर्टफोलिओ 31 टक्क्यांनी वाढेल. या घोषणेनंतर, अनेक ब्रोकरेज हाऊसेसने स्टॉकवर त्यांचे खरेदीचे मत कायम ठेवले आहे.

ब्रोकरेज कंपन्यांचे मत ?

CLSA ने अ‍ॅक्सिस बँकेच्या शेअर्सवर खरेदी रेटींग कायम ठेवले आहे. शिवाय खरेदीसाठी 1080 रुपयांचे टारगेट देण्यात आले आहे. अ‍ॅक्सिस बँकेला सिटी इंडियाच्या रिटेल व्यवसायाचा फायदा होईल.याशिवाय मॉर्गन स्टॅनलीने (Morgan Stanley) ओवरवेट मत कायम ठेवले असून खरेदीसाठी 910 रुपयांचे टारगेट दिले आहे. दुसरीकडे, जेफरीजनेही आपले खरेदीचे मत कायम ठेवले आहे आणि 1040 रुपयांचे टारगेट दिले आहे.

मॅक्वेरीने (Macquarie) अ‍ॅक्सिस बँकेच्या स्टॉकवर न्यूट्रल रेटींग कायम ठेवले आहे आणि 790 रुपयांचे टारगेट दिले आहे. हा स्टॉक FY23 च्या अंदाजे P/BV च्या 1.8 पटीने ट्रेडिंग करत आहे. याशिवाय जेपी मॉर्गननेही या स्टॉकचे न्यूट्रल रेटिंग कायम ठेवले आहे आणि 770 रुपयांचे टारगेट दिले आहे.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.