नवी दिल्ली- डिसेंबरच्या तिमाहीत कंपन्यांनी केलेल्या जबरदस्त कामगिरी आणि मजबूत जागतिक संकेतांच्या जोरावर शेअर बाजारात तेजी पाहायला मिळाली. बीएसई सेन्सेक्स 834 अंक उसळला, जी चार महिन्यातील उठावदार कामगिरी ठरली. निफ्टीनेही 14500 चा आकडा पार केला. बजाज फिनसर्व्हच्या शेअरमध्ये 7 टक्के आणि बजाज फायनान्सच्या शेअरमध्ये 5 टक्क्यांची उसळी पाहायला मिळली. 

बाजारातील आजच्या तेजीमध्ये रिलायन्स इंडस्ट्रीज आणि आर्थिक शेअर्सची महत्त्वाची भूमिका राहिली. सेन्सेक्समधील 30 पैकी 27 शेअर तेजीसह बंद झाले. सेन्सेक्स 834 अंक म्हणजेच 1.7 टक्क्यांच्या वाढीसह 49398.29 अंकावर बंद झाले. निफ्टी 239.85 अंक म्हणजेच 1.68 टक्क्यांच्या वाढीसह 14521 वर बंद झाला. निफ्टीची 5 नोव्हेंबरनंतरची ही सर्वात चांगली कामगिरी होती. 

हेही वाचा- मोबाईल क्रमांक आधार कार्डशी लिंक करणं अगदी सोपं; अशी आहे प्रोसेस

बजाज फिनसर्व्ह, बजाज फायनान्स, एचडीएफसी, आईसीआईसीआई बँक और एलअँडटी आणि टीसीएसच्या शेअर्समध्ये 1.5 ते 2.5 टक्क्यांची तेजी राहिली. यापूर्वी सलग दोन दिवस शेअर बाजार घसरणीसह बंद झाला होता.  

हेही वाचा- यंदाचं बजेट 'पेपरलेस'; जाणून घ्या ब्रीफकेस पासून पेपरलेसपर्यंत झालेला 'बजेट'चा प्रवास