PWC India Employment News : PWC इंडियाने पुढील 5 वर्षांत भारतातील 30,000 हून अधिक बेरोजगारांना दिलासा देत नोकऱ्या देण्याचा निर्णय घेतला आहे. PWC India ने 30,000 नवीन नोकर्‍या देण्याची योजना जाहीर केली आहे, 2028 पर्यंत कर्मचारी संख्या 80,000 पेक्षा जास्त होण्याची अपेक्षा आहे.

PwC India आणि PwC US यांच्यात भारतात नवीन जागतिक केंद्रे स्थापन करण्यासाठी आणि विद्यमान केंद्रे वाढवण्यासाठी संयुक्त उपक्रम स्थापन केला जाईल.

ज्यामुळे कंपनीच्या वाढीला गती देण्यासाठी आणि सेवेची गुणवत्ता सुधारण्यास मदत करेल. भारतात कंपनीत सध्या जागतिक वितरण केंद्रांदरम्यान 50,000 हून अधिक कर्मचारी कार्यरत आहे.

देशाची आर्थिक प्रगती पुढे नेण्याचा संकल्प :

PwC चेअरपर्सन संजीव कृष्णन यांनी सांगितले की, ''2021 मध्ये लाँच केलेल्या नवीन जागतिक धोरणाचा एक भाग म्हणून, PwC India ने देशाच्या आर्थिक विकासाला चालना देण्याचा, देशांतर्गत बाजारपेठेची क्षमता वापरण्याचा आणि समाजासाठी अधिक संधी निर्माण करण्याचा संकल्प केला आहे.''

पुढे ते म्हणाले, ''भारताच्या वाढीमध्ये अर्थपूर्ण भूमिका बजावण्यासाठी आणि महत्त्वाच्या समस्या सोडवण्यासाठी आणि देशाच्या उज्वल भविष्याचा मार्ग मोकळा करण्यासाठी ग्राहक आणि भागधारकांसोबत जवळून काम करण्यासाठी आम्ही वचनबद्ध आहोत.

आमचा नवा उपक्रम या दिशेने एक पाऊल पुढे आहे. भारताच्या प्रचंड लोकसंख्येचा वापर करण्यासाठी आणखी प्रयत्न करू.''

PwC US चे अध्यक्ष आणि वरिष्ठ भागीदार टिम रायन म्हणाले. "PwC India आणि PwC US मधील आमचे सहकार्य आमच्या जागतिक वाढीला अधिक गती देईल आणि आमच्या ग्राहकांना अधिक मूल्य प्रदान करण्यात मदत करेल.

हेही वाचा : ढोलेरा- ग्रीनफिल्ड सिटी आणि महाप्रचंड औद्योगिक हब...

यामुळे आमच्या लोकांसाठी सर्व गुणवत्तेवर आधारित सखोल तांत्रिक कौशल्य विकसित करण्याच्या अधिक संधी निर्माण होतील''