अर्थसंकल्प 2020 : नवी दिल्ली : केंद्रीय अर्थमंत्री निर्मला सीतारामन यांनी 'बँक डिपॉझिट गॅरंटी' विम्याची मर्यादा एक लाख रुपयांवरून वाढवून पाच लाख केली आहे .
पंजाब आणि महाराष्ट्र सहकारी (पीएमसी) गैरव्यवहार उघडकीस आल्यानंतर रिझर्व्ह बँकेने निर्बंध घातल्याने ठेवीदार हवालदिल झाले होते. या गैरव्यवहाराचा लक्षावधी ग्राहकांवर परिणाम झाला आहे.
केंद्र सरकार ठेवींवरील विमा संरक्षणाची मर्यादा 1 लाख रुपयांपेक्षा अधिक करण्यासाठी संसदेत कायदा आणेल, अशी माहिती केंद्रीय अर्थमंत्री निर्मला सीतारामन यांनी आधीच दिली होती.
सध्या व्यक्तिगत खातेदारांसाठी ठेव विम्याची मर्यादा 1 लाख रुपये आहे. आता त्यात वाढ करण्यात आली आहे. ठेव विम्याच्या मर्यादेत 1993 मध्ये वाढ करण्यात आली होती. त्या वेळी ती 30 हजारांवरून एक लाख रुपये करण्यात आली. मात्र, 26 वर्षांत ठेवींवरील विमा संरक्षणाच्या मर्यादेत कोणतीही वाढ करण्यात आलेली नाही. "पीएमसी' बॅंकेतील 4 हजार 355 कोटी रुपयांचा गैरव्यवहार उघडकीस आल्यानंतर विमा संरक्षणाची एक लाख रुपयांची मर्यादा वाढविण्याची मागणी सर्व स्तरातून करण्यात येत होती.
बँकिंगसंबंधी महत्त्वाचे निर्णय :
- सार्वजनिक क्षेत्रातील १० बँकांचे एकत्रीकरण करण्यात येणार असून त्यातून ४ मोठ्या बँका करण्यात येणार आहे.
- बँकांसाठी ३.५ लाख कोटींची तरतूद
- आयडीबीआय बँकेतील हिस्सेदारी विकण्यात येणार आहे
- भारतीय आयुर्विमा महामंडळातील हिस्सेदारी विकून भांडवल उभारणी करणार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.