सरकारी बँकांपासून ते खासगी बँकांपर्यंत जवळपास सर्वच बँकांनी व्याजदर वाढवले ​​आहेत. अशा काही बँका आहेत ज्या त्यांच्या ग्राहकांना 8% पर्यंत व्याज देत आहेत. यापैकी एक DCB बँक आहे. DCB बँक ज्येष्ठ नागरिकांना 36 महिन्यांच्या FD वर 8.25 टक्के व्याज देत आहे. बँक 700 दिवसांपेक्षा जास्त आणि 36 महिन्यांपेक्षा कमी कालावधीच्या ठेवींवर 8.25% व्याज देखील देत आहे. गुरुवारी (डिसेंबर 1), DCB बँकेने दिलेल्या निवेदनात म्हटले आहे की, त्यांचे नवीनतम मुदत ठेव व्याजदर ज्येष्ठ नागरिकांना चांगला परतावा देत आहेत.

हेही वाचा : वाचा किस्से बँकेच्या लाॅकररुममध्ये घडलेले...एका बँक अधिकाऱ्याच्याच तोंडून

DCB बँक तीन वर्षांसाठी FD मध्ये 1 लाख रुपये गुंतवल्याबद्दल ज्येष्ठ नागरिकांना रु. 27,760 व्याज देत आहे. बँकेने म्हटले आहे की, ज्येष्ठ नागरिक FD 60 वर्षे आणि त्याहून अधिक वयाच्या व्यक्तींसाठी चांगले उत्पन्न मिळवून देते.

बँकेचे व्याजदर :

DCB बँकेत 700 दिवसांसाठी 2 कोटी रुपयांपेक्षा कमी ठेवींवर, ज्येष्ठ नागरिकांना वार्षिक 7.60% व्याज मिळू शकते. बँक 700 दिवसांपासून ते 36 महिन्यांपेक्षा कमी कालावधीसाठी ज्येष्ठ नागरिकांना 8.25% जास्त व्याजदर देते.

ज्येष्ठ नागरिकांकडे दीर्घ मुदतीची FD घेण्याचा देखील पर्याय आहे. DCB बँक खाजगी क्षेत्रातील बँकांमध्ये सर्वाधिक एफडी दर देत आहे. DCB बँक FD सह, ज्येष्ठ नागरिकांना मासिक, त्रैमासिक, अर्धवार्षिक किंवा वार्षिक यासारखे व्याज भरण्याचे पर्याय देते. त्यांना थेट बचत खात्यात व्याज हस्तांतरित करण्याचा पर्याय देखील मिळतो.

बँकेने विविध कालावधीसाठी मार्जिनल कॉस्ट बेस्ड लेंडिंग रेट म्हणजेच MCLR 0.27 टक्क्यांनी वाढवला आहे. आता बँकेकडून कर्ज घेणे महाग होणार आहे. बँकेचे नवीन दर 5 नोव्हेंबर 2022 पासून लागू होतील. बँकेने शुक्रवारी स्टॉक एक्स्चेंजला सांगितले की, सध्याचा एक वर्षाचा 9.96 टक्के MCLR दर आता 10.23 टक्के होईल. त्याचप्रमाणे, एक महिना, 3 महिने आणि 6 महिन्यांच्या कालावधीसाठी MCLR अनुक्रमे 9.63 टक्के, 9.79 टक्के आणि 10.02 टक्के असेल. एका दिवसाचा MCLR 9.58 टक्के असेल.