केंद्र सरकारकडून ऑक्टोबर-डिसेंबर २०२१ या तिमाहीच्या जीडीपीची आकडेवारी जारी केली आहे. चालू आर्थिक वर्षात तिसऱ्या तिमाहीत भारताचा जीडीपी दर हा ५.४ टक्के इतका होता. नॅशनल स्टॅटिकल ऑफिस म्हणजचे एनएसओेकडून ही आकडेवारी जारी करण्यात आली आहे. एनएसओने सोमवारी जारी केलेल्या आकडेवारीनुसार, गेल्या आर्थिक वर्षात याच तिमाहीत जीडीपी वृद्धीदर हा ०.७ टक्के इतका होता. एनएसओने दुसऱ्या अंदाजानुसार, आर्थिक वर्ष २०२१-२२ मध्ये जीडीपी दर हा ८.९ टक्के राहील असा अंदाज वर्तवला आहे.

जानेवारीत जारी करण्यात आलेला अंदाज हा यंदाच्या आर्थिक वर्षात ९.२ टक्के इतका राहील असं सांगण्यात आलं होतं. तर २०२०-२१ मध्ये हाच अंदाज ६.६ टक्के इतका होता. चालू आर्थिक वर्षातील पहिल्या तिमाहीत अर्थव्यवस्थेचा वृद्धी दर कमी होता. तर दुसऱ्या तिमाहीत जीडीपी दर ८.५ टक्के होता.

भारताची वित्तीय तुट ही एप्रिल २०२१ पासून जानेवारी २०२२ या काळात वाढली आहे. आर्थिक वर्ष २०२२ साठीचं ध्येय हे ५८.९ टक्के इतकं झालं आहे. कंट्रोलर जनरल ऑफ अकाउंट्सने २८ फेब्रुवारीला जारी केलेल्या आकडेवारीत हे दिसून आलं आहे. एप्रिल-डिसेंबर २०२१ मद्ये वित्तीय तुटीचं पूर्ण वर्षाचं ध्येय हे ५०.४ टक्के इतकं होतं.