नवी दिल्ली - आठवड्याच्या सुरुवातीला पुन्हा एकदा सोने चांदीच्या दरात वाढ झाली आहे. सोमवारच्या तुलनेत ही वाढ खूपच कमी आहे. आंतरराष्ट्रीय बाजारात सातत्यानं दरात वाढ होत असल्याचं दिसत आहे. याचा परिणाम घरेलू बाजारावरही होत आहेत. एचडीएफसी सिक्युरिटीजने मंगळवारी दिल्लीतील सराफ बाजारातील सोने चांदीच्या दराबाबत माहिती दिली आहे.
सोमवारी दिल्लीतील सराफ बाजारात सोन्याचा दर 39 रुपयांनी वाढला. यामुळे 10 ग्रॅम सोन्याचा दर 49 हजार 610 रुपये इतका झाला. सलग तिसऱ्या दिवशी सोन्याच्या दरात वाढ झाली आहेत. याआधी सोन्याचा दर 49 हजार 571 रुपये प्रति दहा ग्रॅम इतका होता. तर आंतरराष्ट्रीय बाजारात आज सोन्याचा दर 1883 डॉलर प्रति औंस होता.
सोन्याप्रमाणे चांदीच्या किंमतीतही किरकोळ दरवाढ झाली आहे. चांदी मंगळवारी फक्त 36 रुपयांनी महागली असून एक किलो चांदीचा दर 68 हजार 156 रुपये इतका झाला. त्याआधी चांदीचा दर 68 हजार 120 रुपये प्रतिकिलो इतका होता. आंतरराष्ट्रीय बाजारात चांदीची किंमत 26.26 डॉलर प्रति औंस होती.
किंमतीमध्ये झालेल्या किरकोळ वाढीबाबत तज्ज्ञांनी असं मत नोंदवलं की, आज डॉलरच्या तुलनेत रुपयाची किंमत 11 पैशांनी वधारली. ऑगस्ट महिन्यात सोन्याच्या दराने उच्चांक गाठला होता. त्यानंतर आतापर्यंत सोन्याच्या दरात 6 हजार रुपयांनी घसरण झाली आहे. गेल्या वर्षभरात सोन्याचे दर 28 टक्क्यांनी वाढले आहेत. पुढच्या वर्षीही सोन्याचा दर वाढण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.