नवी दिल्ली - गेल्या काही दिवसांपासून सोन्याच्या दरात घसरण होत असल्याचं दिसत आहे. याआधी काही काळ सोन्याचे दर स्थिर राहिले होते. मात्र आता ते कमी होत आहेत. डॉलरची किंमत वधारल्यानंतर सोन्याच्या किंमती कमी झाल्याचं दिसतंय. गुरुवारी सोन्यासह चांदीचे दरही घसरले होते.
दिल्लीतील सराफ बाजारात गुरुवारी सोन्याच्या दरात 259 रुपयांची घसरण झाल्यानं दर प्रति दहा ग्रॅओम 48 हजार 127 रुपये इतका झाला होता. त्याआधी सोन्याचा दर 48 हजार 386 रुपये इतका होता. तसंच चांदीचा दरही 110 रुपयांनी कमी झाला. एक किलो चांदीची किंमत 70 हजार 274 रुपये झाली. चांदीचा दर 70 हजार 384 रुपये इतका होता. आंतरराष्ट्रीय बाजारात सोन्याचा दर प्रति औंस 1880 डॉलर तर चांदी प्रति औंस 27.65 डॉलर होता.
देशातील प्रमुख शहरांपैकी दिल्लीत 22 कॅरेट सोनं 47 हजार 950 रुपये तर 24 कॅरेट सोन्याची किंमत 52 हजार 300 रुपये आहे. मुंबईत 24 कॅरेट सोन्याचा भाव 48 हजार 880 रुपये इतका आहे. तर कोलकात्यात 24 कॅरेट सोन्याचा दर 50 हजार 900 रुपये इतका आहे. चेन्नईत 24 कॅरेट सोन्याची किंमत 50 हजार 350 रुपये आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.