नवी दिल्ली - गुगल भारतातील आघाडीची दूरसंचार कंपनी असलेल्या व्होडाफोन-आयडियामध्ये गुंतवणूक करणार असल्याचे वृत्त आहे. फेसबुकने नुकतीच रिलायन्स जिओमध्ये मोठी गुंतवणूक करण्याचा निर्णय घेतला जाहीर केला आहे. आता गुगलने देखील व्होडाफोन-आयडियामध्ये गुंतवणूक करण्यास रस दाखवला आहे. मात्र आयडिया कंपनीने अशाप्रकारे गुंतवणुकीचा कोणताही प्रस्ताव आला नसल्याचे म्हटले आहे.
मात्र, मीडिया रिपोर्टनुसार, एजीआरच्या ओझ्याखाली दबलेल्या व्होडाफोन- आयडियामध्ये गुगल गुंतवणूक करण्यास उत्सुक असल्याचे वृत्त आहे. वृत्तानुसार, गुगल ५ टक्के हिस्सा खरेदी करण्याची शक्यता आहे.
गुगलची पॅरेंट कंपनी असलेली अल्फाबेट ही जिओमध्ये गुंतवणूक करण्याची शक्यता वर्तवण्यात येत असल्याचे देखील वृत्त विविध अहवालातून समोर येत आहे.
व्होडाफोन- आयडियाकडून खंडन
व्होडाफोन- आयडियामध्ये परदेशी कंपनीकडून गुंतवणुकीचा कोणताही प्रस्ताव आला नसल्याचे सांगण्यात आले आहे. मात्र कंपनी शेअरधारकांच्या आणि कंपनीच्या हितासाठी कायम चांगल्या संधीचा शोध घेत असते. यामुळे अशा प्रकारचा कोणताही प्रस्ताव आल्यास त्यावर कंपनीचे संचालक मंडळ नक्की विचार करेल.
व्होडाफोन- आयडियाचा शेअर तेजीत
गुगल कंपनीमध्ये गुंतवणूक करणार या वृत्ताने शुक्रवारी व्होडाफोन-आयडियाचा शेअर इंट्राडे व्यवहारात १५ टक्क्यांनी वधारला होता. दिवसअखेर १२.९३ टक्क्यांनी वधारून ६.५५ रुपयांवर स्थिरावला.
व्होडाफोन- आयडियासमोर अडचणींचा डोंगर
दूरसंचार विभागाने व्होडाफोन-आयडियाला एकूण समायोजित महसुलापोटी (एजीआर) ५८ हजार कोटी रूपयांची रक्कम भरण्याचे आदेश दिले होते. त्यापैकी कंपनीने 6 हजार 854 कोटी रूपयांच्या रकमेचा भरणा केला होता. २०१८ मध्ये ब्रिटनमधील व्होडाफोन आणि आदित्य बिर्ला समुहाची आयडिया या कंपन्या एकत्र आल्या होत्या. दोन्ही कंपन्यांच्या विलीनीकरणानंतर व्होडाफोन-आयडिया असे नामकरण करण्यात आले आहे. सध्या आयडियामध्ये व्होडाफोनची ४५ टक्के हिस्सेदारी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.