जगातील प्रसिद्ध कंपन्यांपैकी एक असलेल्या इंटेलने मोठ्या संख्येने कर्मचाऱ्यांना कामावरून कमी करण्याचा निर्णय कंपनीने घेतला आहे. जागतिक मंदीमुळे असा निर्णय घेतल्याचे सांगितले जात आहे.

इंटेल कंपनी संगणक आणि फोनचे प्रोसेसर तयार करण्यासाठी प्रसिद्ध आहे, ज्यामध्ये जगभरातील लोक काम करतात. या नोकर कपातीमुळे कंपनी सुमारे $3 अब्ज वार्षिक बचत करण्याची योजना आखत आहे. या निर्णयामुळे कंपनीला 2025 पर्यंत $8-10 अब्जपर्यंत फायदा होऊ शकतो.

इंटेलचे सीईओ पॅट गेल्सिंगर यांनी सांगितले की, कंपनी खर्च कमी करण्यासाठी काही कठोर निर्णय घेत आहे. ज्यामुळे जागतिक बाजारपेठेत कंपनी टिकून राहावी यासाठीही प्रयत्न केले जात आहेत. येत्या काही दिवसांत खर्च कमी करण्याबरोबरच इतर खर्चात कपात करण्याचीही योजना आहे. नोकर कपातीमुळे कंपनीची वार्षिक बचत 3 अब्ज डॉलर्सची आहे. 2025 पर्यंत $8 ते 10 बिलियन बचत करण्याचे कंपनीचे उद्दिष्ट आहे.

कंपनीने अजून किती कर्मचाऱ्यांना काढले आहे, हे सांगितले नसले तरी काही रिपोर्ट्समध्ये बहुतांश सेल्स आणि मार्केटिंग कर्मचाऱ्यांना कामावरून काढून टाकण्यात येणार असल्याचा दावा केला जात आहे. इंटेल गेल्या काही दिवसांपासून तोट्यात आहे, जागतिक स्तरावर संगणकाच्या विक्रीत घट झाली आहे.