मुंबई - देशातील म्युच्युअल फंडांकडील एकूण व्यवस्थापनाखालील मालमत्ता (एयूएम) फेब्रुवारीअखेर २८.२९ लाख कोटी रुपयांवर पोचली आहे.
‘ॲम्फी’ने जाहीर केलेल्या आकडेवारीनुसार, ‘सिस्टेमॅटिक इन्व्हेस्टमेंट प्लॅन’च्या (एसआयपी) माध्यमातून फेब्रुवारी महिन्यात गुंतवणूकदारांनी ८ हजार ५१३ कोटी रुपयांची गुंतवणूक केली आहे. म्युच्युअल फंड योजनांमधील एकूण गुंतवणुकीमध्ये वार्षिक १५ टक्के वाढ झाली आहे. फेब्रुवारीत इक्विटी फंड योजनांमध्ये १० हजार ९७६ कोटी रुपयांची गुंतवणूक झाली आहे. ही मार्च २०१९ नंतरची सर्वाधिक वाढ आहे.
लार्ज कॅप, मल्टी कॅप, मिड कॅप आणि स्मॉल कॅप प्रकारातील म्युच्युअल फंडांमध्ये १ हजार ४०० कोटी ते १ हजार ६०० कोटी रुपयांची गुंतवणूक झाली आहे. फेब्रुवारीमध्ये सेक्टोरल आणि थिमॅटिक प्रकारातील फंडांमध्ये १ हजार ९२८ कोटी रुपयांची गुंतवणूक झाली आहे.
गोल्ड एक्स्चेंज ट्रेडेड फंडांमध्ये (ईटीएफ) सुमारे सातपटीने वाढ झाली आहे. जानेवारीमध्ये गोल्ड ईटीएफमध्ये २०२ कोटी रुपयांची गुंतवणूक झाली होती. ही गुंतवणूक फेब्रुवारीमध्ये १ हजार ४८३ कोटी रुपयांवर पोचली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.