आज इंडियन रेल्वे फायनान्स कॉर्पोरेशनच्या (IRFC) शेअर्सची घसरण झाली आहे. IRFC च्या शेअरमध्ये गुंतवणूक करण्याची ही एक चांगली संधी असू शकते. कारण IRFC चे शेअर्स आज जरी घसरले असले तरी येणाऱ्या काळात ते चांगला रिटर्न देऊ शकतील.
स्टॉकमध्ये सध्या10 ते 15 टक्के रिटर्न मिळण्याची क्षमता आहे. शेअर 32 रुपयांच्या खाली घसरल्यावर त्यामध्ये गुंतवणुक करणे योग्य आहे असे तज्ज्ञांचे मत आहे.
सरकार काही मोठ्या पायाभूत सुविधा गुंतवणुकीची घोषणा करू शकेल, अशी अपेक्षा अर्थसंकल्पातून आहे. त्यामुळे या शेअरमध्ये गुंतवणुक करणे भविष्यासाठी चांगले आहे. आतापर्यंत या शेअरने चांगला कल दाखवला आहे.
हेही वाचा : संयुक्त नावावरील गृहकर्जातून होईल प्राप्तीकराची बचत...
IRFC शेअरच्या किंमतीचा इतिहास
IRFC ने गेल्या 6 महिन्यांत सुमारे 60 टक्के इतका चांगला परतावा दिला आहे, परिणामी गुंतवणूकदारांची संपत्ती वाढली आहे. YTD, IRFC ने 44 टक्के सकारात्मक परतावा दिला आहे. 3 जानेवारीला 23.05 रुपये उपलब्ध असलेला IRFC स्टॉक आता सुमारे 43.82 रुपयांना उपलब्ध आहे. सध्याच्या पातळीवर, स्टॉकचे मार्केट कॅप 43.39 हजार कोटी रुपये आहे.
IRFC ने जानेवारी 2021 मध्ये 26 रुपयांच्या IPO इश्यू किंमतीने शेअर बाजारात पदार्पण केले. IRFC ही रेल्वे मंत्रालयाच्या अंतर्गत संपूर्ण मालकीची उपकंपनी आहे.
कंपनीचा ऑपरेशन्समधील महसूल सुमारे 24 टक्क्यांनी वाढून Q2FY23 मध्ये 5,810 कोटी रुपयांवर पोहोचला आहे, जो मागील वर्षीच्या याच कालावधीत 4,690 कोटी रुपये होता. कंपनीची निव्वळ संपत्ती रु. 43,549 कोटी आणि मालमत्ता अंतर्गत व्यवस्थापन (AUM) Q2 मध्ये रु. 4,39,070 कोटी होती, IRFC ने निकाल दाखल करताना ही माहिती दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.