Petrol-Diesel Price Today : सरकारी तेल कंपन्यांनी आज (गुरुवार) पेट्रोल आणि डिझेलचे (Petrol Diesel Hike Today) दर पुन्हा जाहीर केले आहेत. त्यामुळं पूर्वीप्रमाणंच आजही तेलाच्या किमती वाढल्या आहेत. आज दर प्रतिलिटर 84 पैशांपर्यंत वाढला आहे. गेल्या दहा दिवसांत नवव्यांदा पेट्रोल आणि डिझेलचे दर वाढल्याची माहिती आहे.

तेल कंपनी IOCL च्या ताज्या दरानुसार, राष्ट्रीय राजधानी दिल्लीत (Delhi) पेट्रोल आणि डिझेलच्या दरात 80 पैशांनी वाढ झालीय. यानंतर राजधानीत एक लिटर पेट्रोलचा दर 93.07 रुपये आणि डिझेलचा दर 93.07 रुपये प्रति लिटरवर पोहोचलाय. त्याचबरोबर मुंबईत (Mumbai) पेट्रोल आणि डिझेलचे दर 84 पैशांनी वाढले आहेत. इथं पेट्रोल 116.72 रुपये, तर डिझेल 100.94 रुपये झालं आहे.

याशिवाय, इतर महानगरांबद्दल बोलायचं झालं तर चेन्नईत आज एक लिटर पेट्रोलवर 76 पैशांची वाढ नोंदवण्यात आलीय. यानंतर पेट्रोल 107.45 रुपये प्रतिलिटर दरानं विकलं जात आहे. त्याचवेळी डिझेल 97.52 रुपयांना विकलं जात होतं. कोलकात्याबद्दल बोलायचं झालं तर, पेट्रोलमध्ये 83 पैसे आणि डिझेलमध्ये 80 पैशांनी वाढ झालीय. त्यानंतर पेट्रोलचा दर 111.35 रुपये आणि डिझेलचा दर 96.22 रुपये झालाय. तसेच मध्य प्रदेशातील बालाघाटमध्ये पेट्रोल 0.87 पैसे आणि डिझेल 0.82 पैशांनी वाढलं असून पेट्रोलचे दर केवळ 115 रुपयांवरच नाही तर त्याहूनही वर पोहोचले आहेत. ही महागाई रोज कमावणाऱ्या आणि छोटा व्यवसायांसाठी अडचणीची ठरलीय. आज पेट्रोल 116.52 प्रतिलिटर झालं असून डिझेल 99. 59 रुपये प्रतिलिटर झालंय.

आज महानगरांमध्ये पेट्रोल-डिझेलचे दर किती?

शहर पेट्रोल डिझेल

दिल्ली 101.81 93.07

मुंबई 116.72 100.94

चेन्नई 107.45 97.52

कोलकाता 111.35 96.22