Petrol Diesel Prices : पेट्रोल-डिझेलच्या दरामुळं दररोज 80 पैशांचा फटका बसत असल्यानं या आठवड्यात काहीसा दिलासा मिळालाय. गेल्या काही दिवसांपासून ही दरवाढ रखडलीय. आठवडाभरापूर्वी पेट्रोल आणि डिझेलच्या दरात दररोज 80 पैशांनी वाढ होत होती. आज, शनिवारी सरकारी तेल कंपन्यांनी पेट्रोल (Indian Oil Corporation Limited) आणि डिझेलचे नवे दर जाहीर केले आहेत. आजही दिल्ली-मुंबईसह (Mumbai) देशातील चारही महानगरे आणि प्रमुख शहरांमध्ये तेलाच्या दरात कोणताही बदल झालेला नाहीय.

कंपन्यांनी सलग दहाव्या दिवशी पेट्रोल आणि डिझेलचे दर स्थिर ठेवत ग्राहकांना मोठा दिलासा दिलाय. याआधी कंपन्यांनी सलग 14 वेळा दरात वाढ केल्यानं तेल 10.20 रुपयांनी महागलं आहे. सध्या दिल्लीत पेट्रोल 105.41 रुपये आणि मुंबईत 120.51 रुपये प्रति लिटर दरानं विकलं जात आहे. तर, डिझेलचे दरही मुंबईत सर्वाधिक 104.77 रुपये प्रति लिटर आहे.

चार महानगरांतील पेट्रोल-डिझेलचे दर

• दिल्ली : पेट्रोल 105.41 रुपये आणि डिझेल 96.67 रुपये प्रति लिटर

• मुंबई : पेट्रोल 120.51 रुपये आणि डिझेल 104.77 रुपये प्रति लिटर

• चेन्नई : पेट्रोल 110.85 रुपये आणि डिझेल 100.94 रुपये प्रति लिटर

• कोलकाता : पेट्रोल 115.12 रुपये आणि डिझेल 99.83 रुपये प्रति लिटर

'या' शहरांत नवीन भाव सुरू

• नोएडामध्ये पेट्रोल 105.47 रुपये आणि डिझेल 97.03 रुपये प्रति लिटर झाले आहे.

• लखनऊमध्ये पेट्रोल 105.25 रुपये आणि डिझेल 96.83 रुपये प्रति लिटर झाले आहे.

• पोर्ट ब्लेअरमध्ये पेट्रोल 91.45 रुपये आणि डिझेल 85.83 रुपये प्रति लिटर झाले आहे.

• पाटण्यात पेट्रोल 116.23 रुपये आणि डिझेल 101.06 रुपये प्रति लिटर झाले आहे.