पाच राज्यांच्या निवडणुकांचे निकाल जाहीर होताच तेल कंपन्यांकडून (oil companies) पेट्रोल आणि डिझेलची दर वाढ केलेली दिसून येत आहे. भारतीय तेल कंपन्यांनी गेल्या ७ दिवसात ६-७ वेळा पेट्रोल आणि डिझेलची दरवाढ केली आहे. पेट्रोल आणि डिझेलचे दरात आज ७० ते ८० पैशांनी वाढ झाली आहे. (Today's Petrol Diesel Price Updates)

दिल्लीत पेट्रोल आणि डिझेलचे दर अनुक्रमे १००.२१ रुपये प्रति लिटर आणि ९१.४७ रुपये प्रति लिटर वाढले. म्हणजेच अनुक्रमे ८० आणि ७० पैशांनी वाढले. तर मुंबईत पेट्रोलचे दर प्रति लिटर १११.५ रुपये आणि आणि डिझेलचे दर प्रति लिटर ९९.५ रुपये म्हणजेच अनुक्रमे पेट्रोल ८५ पैसे आणि डिझेल ७५ पैशांनी वाढले.

चेन्नईमध्ये सुध्दा पेट्रोलची किंमत १०५.९४ रुपये म्हणजेच ७६ पैशांनी वाढली तर डिझेलचे किंमत ९६ रुपये म्हणजेच ६७ पैशांनी वाढली. आणि कोलकत्तामध्ये पेट्रोलची किंमत १०९.६८ रुपये म्हणजेच ८३ पैशांनी वाढली आणि डिझेलची किंमत ९४.६२ रुपये म्हणजेच ७० पैशांनी वाढली