नवी दिल्ली : भारतीय रिझर्व्ह बँके (RBI)ने पेमेंट सिस्टीमला अधिक दर्जेदार बनवण्याची तयारी केली आहे. यासाठी आरबीआयने सहा फिनटेक कंपन्यांची नियुक्ती केली आहे. आरबीआय या कंपन्यांच्या उत्पादनाला लाईव्ह टेस्टिंग करण्याची संधी उपलब्ध करुन देत आहे. आरबीआयद्वारे ज्या सहा फिनटेक कंपन्यांना ही संधी दिली गेली आहे त्यामध्ये दोन कंपन्यांनी नोव्हेंबर, 2020 पासून टेस्टींग सुरु केली आहे. जयपूरमधील नॅचरल सपोर्ट कन्सल्टंसी सर्व्हिसेसने 'इ-रुपया' नावाने नव्या सिस्टीमचं परिक्षण सुरु केलं आहे. जे नियर-फिल्ड कम्यूनिकेशनवर आधारित प्रीपेड कार्ड आणि पॉइंट ऑफ सेलचा उपयोग करतं. कंपनीने यासाठी पंजाब नॅशनल बँकेशी करार केला आहे. या कंपनीचा फोकस छोट्या दुकानदारांना तसेच ग्रामीण भागात ऑफलाइन डिजीटल पेमेंटला चालना देण्याचा आहे.
चार कंपन्यांनी डिसेंबरमध्ये सुरु केलं टेस्टींग
ज्या चार कंपन्यांनी डिसेंब महिन्यात आपल्या उत्पादनाची टेस्टींग सुरु केली आहे त्यामध्ये मुंबईमधील टॉप स्मार्ट डाटा इन्फोर्मेशन सर्व्हिसेस लिमिटेड ही एक आहे. ही कंपनी सिटीकॅश नावाने प्रीपेड कार्ड आणत आहे जे एनएफसी टेकनिकचा वापर करते. ग्राहक याचा वापर बस तिकीटाचे पैसे भरण्यापासून ते काही ठिकाणच्या व्यवहारांसाठी करु शकतात. फिनो पेटेक यासाठी गुंतवणूक करत आहे.
बेंगलोरमधील एक कंपनी नफा इनोव्हेशन प्रा. लिमिटेड ध्वनी तंरगांचा उपयोग करुन सुरक्षित देवघेवीसाठी एक उत्पादन आणण्याच्या तयारीत आहे. ही कंपनी टोनटॅग नावाने हे उत्पादन आणत असून ते ऑनलाइन आणि ऑफलाइन पैसे भरण्यासाठी आवाजाच्या एन्क्रिप्ट तरंगाचा वापर करेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.