म्यूजिक कंपनी सारेगामा इंडिया लिमिटेड (Saregama India Limited) ने एकाच वर्षात आपल्या गुंतवणूकदारांना लखपती पासून कोट्यधीश बनवले आहे. एखाद्या गुंतवणूकदाराने 1 वर्षाआधी 1 लाख रुपयांचे शेअर्स खरेदी केले असेल तर त्याची आजची किंमत 6.25 लाख रुपयांपेक्षा अधिक असती. कारण मागच्या 12 महीन्यात Saregama India च्या शेअर्सने 520% इतकी तगडी वाढ नोंदवली आहे. (Saregama stock zoomed over 500% in a year, did you miss the rally?)

22 जून, 2020 ला 429 रुपये होती किंमत

Saregama India च्या शेअर्सची किंमत एका वर्षापूर्वी म्हणजे 22 जून, 2020 ला 429 रुपये होती, जी आज वाढून 2718.95 रुपयांपर्यंत पोहोचली आहे. या दरम्यान Sensex मध्ये फक्त 48% आणि Nifty मध्ये 50.63% ची तेजी पाहायला मिळाली आहे. Saregama India चे शेअर्स 5 दिवस, 10, 20, 50, 100 आणि 200 दिवसाच्या डेली मुव्हींग एव्हरेज (DMA) च्या वर ट्रेड करत आहे.

कंपनीचे शेअर्समध्ये मार्च 2020 पासून आतापर्यंत 14 टक्क्यांची वाढ झाली आहे. कोरोना व्हायरस महामारी मुळे मार्च 2020 मध्ये कंपनीच्या शेअर्समध्ये घसरण झाली आणि शेअर्स 181 रुपयांवर आले. म्हणजे मार्च 2020 पासून आतापर्यंत कंपनीने आपल्या शेअरहोल्डर्सना 1400% रिटर्न दिले आहेत.

प्रॉफिट बुक करावा

Saregama India चे शेअर्स बरेच ओव्हरव्हॅल्यूड असल्याचे Marwadi Shares and Finance Limited चे हेड ऑफ इक्विटी रिसर्च जय ठक्कर यांनी म्हटले. गुंतवणूकदरांनी आपले शेअर्स विकून प्रॉफिट बुक केले पाहिजे किवा या किमतीवर ट्रेल स्टॉप लॉस लावावे असेही त्यांचे म्हणणे आहे.

ट्रेंड रिव्हर्स होण्याची शक्यता

या शेअरचा अल्प कालावधीतील सपोर्ट 2400 रुपयांवर आहे. जर शेअरची किंमत त्याखाली आली, तर ट्रेंड रिव्हर्स होईल आणि या शेअर्समध्ये घसरण बघायला मिळेल. Saregama India शेअर्सचा डेली मोमेंटम इंडिकेटर शॉर्ट टर्मसाठी सेल मोड दाखवत आहे.