अमेरिका आणि चीन यांच्यातील व्यापारी संघर्ष मिटण्याच्या दृष्टीने पहिल्या टप्प्यात झालेल्या करारानंतर जागतिक शेअर बाजारात सकारात्मक परिणाम दिसून आले. त्याचा परिणाम म्हणून सकाळच्या सत्रात भारतीय शेअर बाजार देखील वधारला होता. परिणामी मुंबई शेअर बाजर निर्देशांक सेन्सेक्सने पहिल्यांदाच 42 हजारांची पातळी ओलांडली.
सकाळच्या सत्रात सेन्सेक्स 185 अंकांनी वधारून 42,059.45 अंकावर पोहोचला होता. त्यानंतर मात्र बाजारात हलकीशी घसरण होऊन सेन्सेक्स आणि निफ्टी अनुक्रमे 41,858.73 व 12,332.40 वर व्यवहार करत आहेत.
आयात कराच्या मुद्द्यावर मागील 18 महिन्यांपासून अमेरिका व चीनमधील व्यापारी संबंध ताणले गेले आहेत. ताणलेले संबंध निवळण्याच्या दृष्टीने दोन्ही देशांमध्ये प्राथमिक स्वरूपाचा करार करण्यात आला. त्याला जागतिक गुंतवणूकदारांनी सकारात्मक प्रतिसाद दिला. त्याचबरोबर, 1 फेब्रुवारीला देशाचा सर्वसाधारण अर्थसंकल्प मांडला जाणार असून, या दोन्ही घटनांच्या पार्श्वभूमीवर भारतीय गुंतवणूकदारांनी जोरदार खरेदी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.