मुंबई - शेअर बाजारातील तेजीची मालिका बुधवारी सलग तिसऱ्या सत्रात सुरूच राहिली. मुंबई शेअर बाजाराचा निर्देशांक सेन्सेक्‍स 606 अंशांनी वधारून 32 हजार 720 अंशांवर बंद झाला. राष्ट्रीय शेअर बाजाराचा निर्देशांक निफ्टी 172 अंशांच्या वाढीसह 9 हजार 553 अंशांवर स्थिरावला.
मार्चअखेर संपलेल्या तिमाहीत कंपन्यांचे लागलेले सकारात्मक निकाल, व्होडाफोन आयडिया आणि इंडिया बुल्स हाऊसिंग फायनान्सला न्यायालयाकडून मिळालेला दिलासा आणि ऊर्जा क्षेत्राला सरकारकडून आर्थिक मदत जाहीर होण्याची अपेक्षा यामुळे गुंतवणूकदारांमध्ये आज उत्साहाचे वातावरण होते. दुसरीकडे परकी गुंतवणूकदारांकडून भांडवली बाजारातील गुंतवणूक काढून घेण्याचे प्रमाणही कमी झाले असल्याने शेअर बाजारात तेजी कायम आहे. क्षेत्रनिहाय पातळीवर धातू, वित्तीय सेवा, माध्यमे, माहिती तंत्रज्ञान आणि बॅंकिंग निर्देशांक सर्वाधिक वधारले होते. एफएमसीजी आणि औषधनिर्माण निर्देशांकात मात्र, घसरण नोंदविली गेली.
पुण्याच्या बातम्या वाचण्यासाठी येथे ► क्लिक करा
सेन्सेक्‍सच्या मंचावर आज एचडीएफसी, एचडीएफसी बॅंक, एचसीएलटेक, महिंद्रा अँड महिंद्रा, टाटा स्टील आणि एसबीआयचे समभाग सर्वाधिक वधारले. दुसरीकडे अँक्‍सिस बॅंक, एशियन पेंट्‌स, हिंदुस्थान युनिलिव्हर , टायटन आणि नेस्लेच्या समभागामध्ये घसरण नोंदविण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.