Share Market : मॅपमायइंडियाची (MapmyIndia) ओनर सीई इन्फो सिस्टमच्या (CE Info Systems) शेअर्समध्ये सध्या घसरण दिसून येत आहे. बीएसईवर याचे शेअर्स नुकतेच 4 टक्क्यांहून अधिक घसरून 1,054.95 रुपयांवर गेला आणि नवीन विक्रमी नीचांक गाठला.

पण, नंतर 3.57 टक्क्यांनी घसरून 1,061 रुपयांवर बंद झाले. अशा प्रकारे हा स्टॉक सध्या त्याच्या इश्यू किंमतीच्या अर्थात 1,033 रुपयांच्या जवळ आला आहे.

सीई इन्फो सिस्टम्सचे शेअर्स 17 जानेवारी 2022 रोजी पोहोचलेल्या 1,918.35 रुपयांच्या 52 आठवड्यांच्या उच्चांकावरून 45 टक्क्यांनी खाली आले आहेत. कंपनी 21 डिसेंबर 2021 रोजी लिस्ट झाली होती.

हेही वाचा : जोखमीचे भान राखूनच करा SIP मध्ये गुंतवणूक

सीई इन्फो सिस्टम्स (CE Info Systems) ही भारतातील एडवांस्ड डिजिटल मॅप्स आणि डीप टेक कंपनी कंपनी आहे, जी मॅपमायइंडिया आणि जागतिक स्तरावर मॅपल्स (MAPLES) म्हणून प्रसिद्ध आहे.

ही कंपनी डिजिटल मॅप्स एस ए सर्व्हिस (MaaS), सॉफ्टवेयर एस ए सर्विज (SaaS) आणि प्लॅटफॉर्म एस ए सर्विस (PaaS) तसेच न्यू एज टेक कंपन्या, मोठे बिझनेस, ऑटोमोटिव्ह ओईएमला ऍडव्हांस डिजिटल मॅप डेटा, सॉफ्टवेयर प्रोडक्ट्स, प्लॅटफॉर्म्स, ऍप्लिकेशन प्रोग्रामिंग इंटरफेसेज (एपीआई), आयओटी आणि सॉल्युशंस प्रदान करते.

शिवाय मॅपमायइंडिया (MapmyIndia) ही अशा काही कंपन्यांपैकी एक आहे जी भारतीय मॅपिंग स्पेस गूगल मॅप्सशी (Google Maps) स्पर्धा करण्यात यशस्वी ठरली आहे.

गेल्या तीन महिन्यांत, मॅपमायइंडियाचे स्टॉक्स 20 टक्क्यांनी घसरले आहेत. तर गेल्या एका वर्षात हा स्टॉक 34 टक्क्यांनी कमकुवत झाला आहे.

आर्थिक वर्ष 2022-23 च्या पहिल्या सहामाहीत म्हणजेच एप्रिल-सप्टेंबर दरम्यान, मॅपमायइंडियाचा करानंतर एकत्रित नफा वार्षिक आधारावर 8 टक्क्यांनी वाढून 50 कोटी रुपयांच्या पातळीवर पोहोचला.

त्याच वेळी, महसूल वार्षिक आधारावर 41 टक्क्यांनी वाढून 141 कोटी रुपये झाला आहे. या कालावधीत कंपनीचे एबिटदा मार्जिन 300 बीपीएसने घसरून 43 टक्क्यांवर आले आहे, जे मागील वर्षीच्या कालावधीत 46 टक्के होते.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.