Share Market Closing : शेअर बाजार दिवसभर जबरदस्त तेजी मध्ये होता. आणि सेन्सेक्स-निफ्टी चांगल्या स्थितीत बंद झाला. निफ्टी 14 सप्टेंबरनंतर प्रथमच 18,000 च्या वर बंद झाला आहे. सेन्सेक्स 786 अंकांच्या उसळीसह बंद झाला. आज, बीएसई सेन्सेक्स 1.31 टक्क्यांच्या वाढीसह 60,746 वर बंद झाला. NSE चा निफ्टी 225.40 अंकांच्या उसळीसह 18,012 च्या पातळीवर बंद झाला.

आज व्यवहारात अल्ट्राटेक, एचडीएफसी,  सनफार्मा, एचडीएफसी बँक, एल अँड  टी, बजाज फायनान्स, भारती एअरटेल या शेअर्समध्ये चांगली वाढ दिसली होती, तर फार्मा, ऑटो शेअर्समध्येही किंचित वाढ झाली होती. मात्र, मेटल आणि रियल्टी शेअर्समध्ये प्रॉफिट बुकींग दिसून आले. मिडकॅप आणि स्मॉलकॅप शेअर्स खालच्या पातळीवरून सावरले होते.

बाजार तज्ञांचे मत

बुलिश बेअरिश रिसर्चचे प्रमुख अनमोल दास म्हणतात की, गेल्या वर्षी ऑक्टोबरमध्ये सेन्सेक्सने 60,000 ची पातळी ओलांडल्यानंतर ही पाचवी वेळ आहे. तसेच, सलग तिसऱ्या महिन्यात सेन्सेक्समध्ये 60,000 च्या वरची पातळी गाठली आहे. या तेजीमागील मुख्य कारण म्हणजे, दुसऱ्या तिमाहीचे निकाल आणि देशांतर्गत गुंतवणूकदारांचा पाठिंबा.