आठवड्याभरापासून शेअर मार्केट प्रचंड डाऊन होते यामुळे गुंतवणूकदारांमध्ये ताण दिसून आला होता. मात्र आठवड्याच्या शेवटी आज शेअर बाजारात तेजी दिसून आली त्यामुळे गुंतवणूकदारांना मोठा दिलासा मिळाला.

आज सेन्सेक्स 1045 अंकाच्या तेजीसह 57,455 वर बंद झाला तर निफ्टी 289 अंकाच्या तेजीसह 17,110 वर बंद झाला. आज तब्बल 41 शेअर्समध्ये तेजी दिसून आली तर 9 शेअर्समध्ये घसरण दिसून आली. (Share Market Update)

शेअर बाजारात आज आयटी आणि बँकीग शेअर्समध्ये तेजी दिसून आली. यात विशेषत: HDFCBANK, INDUSINDBK, AXISBANK, RELIANCE, WIPRO, TCS सारख्या शेअर्समध्ये मोठी वाढ दिसून आली.

गुरुवारी अतिशय अस्थिर वातावरणात भारतीय बेंचमार्क इंडेक्स सलग सातव्या सत्रात घसरणीसह बंद झाला. गुरुवारी सेन्सेक्स 188.32 अंकांनी म्हणजेच 0.33% घसरून 56,409.96 वर बंद झाला. तर निफ्टी 40.50 अंकांनी म्हणजेच  0.24% घसरून 16,818.10 वर बंद झाला.

आज आरबीआयकडून व्याजदर 50bps ने वाढवले आहेत अशात गुंतवणूकदारही खुप सावध होते. पण आठवड्याभरातील घसरणीला ब्रेक लागून आज बाजारात तेजी दिसून येत आहे.