Share Market Update: सलग दोन दिवसाच्या तेजीनंतर आज आठवड्याच्या शेवटच्या दिवशी शेअर बाजार कसा राहील याकडे सर्वांचे लक्ष होते. आज शेवटच्या दिवशी शेअर बाजार तेजीसह बंद झाला. आज शेवटच्या सत्रात सेन्सेक्स 334 अंकांच्या तेजीसह 54,513 बंद झाला तर निफ्टी 86 अंकाच्या तेजीसह 16,221 बंद झाला. (share market Update)

आठवड्याच्या सुरवातीला शेअर बाजारात अस्थिरता होती. त्यानंतर गेल्या दोन दिवसापासून शेअर मार्केटमध्ये तेजी आली. आज शेअर्स बाजारात दिवसभर अस्थिरता होती मात्र अखेर तेजीसह शेअर बाजार बंद झाला (share market closing update 8 july 2022)

आज शेअर बाजारात 35 शेअर्समध्ये वाढ दिसून आली तर 15 शेअर्समध्ये घसरण दिसून आली. यात प्रामुख्याने WIPRO, HDFC, TCS, MARUTI, TATASTEEL, HCLTECH सारख्या कंपन्याचे शेअर्समध्ये घट झाली आहे

आज सुरवातीच्या सत्रात शेअर बाजार तेजीसह सुरू झाला. सेन्सेक्स 284 अंकाच्या तेजीसह 54,460 वर सुरू झाला तर निफ्टी 97 अंकाच्या तेजीसह 16,230 वर सुरू झाला.

गुरुवारी गेल्या 4 आठवड्यांच्या उच्च पातळीवर बंद झाला. सेन्सेक्स 427 अंकांनी वाढून 54178 वर तर निफ्टी 143 अंकांनी चढून 16133 वर बंद झाला. मिडकॅप आणि स्मॉलकॅप शेअर्सही वधारले. बीएसईचे सर्व सेक्टरल इंडेक्स वधारले. मेटल, रियल्टी, बँकिंग शेअर्समध्ये चांगली तेजी दिसून आली. ऑटो, आयटी आणि फार्मा शेअर्समध्ये खरेदी झाली.

नुकत्याच झालेल्या मोठ्या घसरणीमुळे सर्व चांगले शेअर्स सध्या स्वस्तात मिळत आहेत. यामुळे सध्याच्या वातावरण चांगले नसतानाही गुंतवणूकदारांना काही मजबूत शेअर्समध्ये खरेदी करण्याची संधी दिसत आहे.