Share Market Closing : आजचे ट्रेडिंग सत्र भारतीय शेअर बाजारासाठी ब्लॅक फ्रायडे ठरले आहे. गुरुवारच्या सुट्टीनंतर अदानी समूहाच्या शेअर्समध्ये मोठी घसरण झाल्याने बाजाराचा मूड आणखीच बिघडला आहे.

आज दिवसभर भारतीय शेअर बाजारात गुंतवणूकदारांनी प्रचंड नफा बुक केला आहे. सेन्सेक्स 60,000 अंकांच्या खाली घसरला. एका क्षणी सेन्सेक्स 1200 अंकांनी खाली आला होता.

आजच्या व्यवहाराअंती बीएसई सेन्सेक्स 874 अंकांच्या घसरणीसह 5930 अंकांवर बंद झाला आहे. त्यामुळे राष्ट्रीय शेअर बाजाराचा निफ्टी 400 अंकांच्या जवळपास घसरला होता. आणि निफ्टी 287 अंकांच्या घसरणीसह 17,604 अंकांवर बंद झाला आहे.

हेही वाचा : ...इथं बनतो आपला लाडका तिरंगा

गुंतवणूकदारांचे मोठे नुकसान :

बाजारातील आजच्या घसरणीने गुंतवणूकदारांचे मोठे नुकसान झाले आहे. BSE वर सूचीबद्ध कंपन्यांचे मार्केट कॅप 269.91 लाख कोटी रुपयांवर घसरले. तर बुधवार, 25 जानेवारी रोजी मार्केट कॅप 276.69 लाख कोटी रुपये होते.

म्हणजेच आजच्या ट्रेडिंग सत्रात 6.78 लाख कोटी रुपयांचे नुकसान झाले आहे. दोन ट्रेडिंग सत्रांमध्ये गुंतवणूकदारांचे जवळपास 10 लाख कोटी रुपयांचे नुकसान झाले आहे.

'या' शेअर्समध्ये सर्वाधिक घसरण :

एसबीआयचा शेअर सर्वाधिक 5.03 टक्क्यांनी घसरून बंद झाला. अदानी, आयसीआयसीआय बँक, इंडसइंड बँक, अॅक्सिस बँक, एचडीएफसी बँक, रिलायन्स इंडस्ट्रीज, एचडीएफसी, कोटक महिंद्रा बँक, एशियन पेंट्स, इन्फोसिस आणि टायटन एक टक्क्यांहून अधिक घसरणीसह बंद झाले.

'या' शेअर्समध्ये तेजी :
टाटा मोटर्स, आयटीसी, महिंद्रा अँड महिंद्रा, अल्ट्राटेक सिमेंट, एनटीपीसी आणि सन फार्मा यांचे समभाग सेन्सेक्सवर हिरव्या चिन्हासह बंद झाले.