Share Market Update: शेअर बाजारात कालचा तेजीचा ट्रेंड आजही कायम राहिला. शेअर बाजारात आजच्या दिवसाची सुरुवात तेजीने झाली. शेअर बाजाराच्या दोन्ही निर्देशाकांनी आज गॅप अप सुरुवात झाली. सेन्सेक्स 803.63 अंकांनी वधारून 57,620.28 वर सुरु झाला, तर निफ्टीही 227.6 अंकांनी वधारून17,202.90 वर सुरु झाला. (Share Market gap up opening sensex and nifty rises)

दरम्यान बुधवारी शेअर बाजारांमध्ये रिकव्हरी आणि बऱ्याच खरेदीमुळे सेन्सेक्स-निफ्टी सुमारे 2 टक्क्यांच्या वाढीसह बंद झाले. बाजारात गॅप-अप ओपनिंग राहिले. सेन्सेक्स 1,039.80 अंकांच्या अर्थात 1.86 टक्क्यांच्या वाढीसह 56,816.65 वर बंद झाला. दुसरीकडे, निफ्टी 312.30 अंकांच्या अर्थात 1.87 टक्क्यांच्या वाढीसह 16,975.30 वर बंद झाला.

कच्च्या तेलाच्या किमतीत घसरण झाल्यानेही बाजारातील उत्साह वाढली आहे. याशिवाय रशिया आणि युक्रेनसोबतच्या शांतता चर्चेतील बातम्यांनीही बाजारात सकारात्मकता वाढली.