Share Market : विकली एक्सपायरी अर्थात गुरुवारी बाजारात चांगली रिकव्हरी दिसून आली. पॉवर, ऑईल अँड गॅस, बँक आणि मेटल शेअर्समुळे ही रिकव्हरी झाली. सेन्सेक्स जवळपास 223.60 अंकांनी अर्थात 0.37 टक्क्यांनी वाढून 61,133.88 वर बंद झाला. निफ्टी 68.50 अंकांनी अर्थात 0.38 टक्क्यांनी वाढून 18,191 वर बंद झाला.

निफ्टी बँक आणि मेटल इंडेक्स प्रत्येकी 1 टक्क्यांनी वाढले. एनर्जी आणि पीएसयू बँक इंडेक्समध्ये प्रत्येकी 0.5 टक्क्यांची भर पडली. बीएसई मिडकॅप आणि स्मॉलकॅप इंडेक्स सपाट बंद झाले.

आज कशी असेल बाजाराची स्थिती ?

विकली एक्स्पायरीच्या दिवशी निफ्टी गॅप डाऊनने उघडल्याचे बीएनपी पारिबसचे गौरव रत्नपारखी म्हणाले. डेली चार्टवर एनगल्फिंग बुल कँडल तयार केली आहे.

जर इंडेक्सने 18,200 ची पातळी ओलांडली आणि याच ठिकाणी राहिल्यास शॉर्ट टर्ममध्ये निफ्टी 18,400 च्या दिशेने सरकल्याचे दिसून येईल असे गौरव रत्नपारखी म्हणाले.

हेही वाचा : जोखमीचे भान राखूनच करा SIP मध्ये गुंतवणूक

दुसरीकडे 18,000 च्या लेव्हलवर राहिल्यास डाउनसाइडचे संकेत दिसतील असेही ते म्हणाले. निफ्टीमधील साईडवेज मुव्हमेंट यापुढेही सुरू राहील असे कोटक सिक्युरिटीजचे श्रीकांत चौहान यांनी सांगितले.

कारण दरांमध्ये होणारी वाढ लक्षात घेता पाश्चात्य देशांमध्ये मंदीची भीती कायम आहे. तांत्रिकदृष्ट्या, निफ्टीने 18,000 च्या जवळ सपोर्ट घेतला आणि उसळी घेतली. डेली चार्टवर बुलिश कँडल आणि इंट्राडे चार्टवरील निर्देशांकात हायर बॉटम फॉर्मेशन सध्याच्या पातळीपासून आणखी चढ-उतार दाखवत आहे.

आजचे टॉप 10 शेअर्स कोणते ?

• भारती एअरटेल (BHARTIARTL)

• आयशर मोटर्स (EICHERMOT)

• स्टेट बँक ऑफ इंडिया (SBIN)

• ऍक्सिस बँक (AXISBANK)

• टाटा स्टील (TATASTEEL)

• आयडीएफसी फर्स्ट बँक (IDFCFIRSTB)

• झिंदाल स्टील (JINDALSTEL)

• टीव्हीएस मोटर्स (TVSMOTOR)

• बालक्रिष्ण इंडस्ट्रीज (BALKRISIND)

• हिंदुस्थान पेट्रोलियम (HINDPETRO)

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.