Share Market Latest Updates Today: सोमवारी तेजी दिसून आल्यानंतर आज पुन्हा शेअर बाजारात नकारात्मकता दिसून आली. शेअर बाजार आजच्या दिवसाच्या सुरुवातील घसरणीसह सुरु झाला. सेन्सेक्स आणि निफ्टीमध्ये आजच्या दिवसाच्या सुरुवातीला घसरण नोंदवली गेली. सेन्सेक्स 303.73 अंकांनी घसरून 55,622.01वर सुरु झाला. तर निफ्टी 82.95 अंकांनी घसरून 16,578.45वर सुरु झाला. निफ्टी 50 मधील ओएनजीसी, पावरग्रिड, आयशर मोटर्स, बजाजा ऑटो, हिरो मोटोकॉर्पसह 18 शेअर्समध्ये वाढ नोंदवली गेली, तर बीपीसीएल, अदानी पोर्ट्स, एनटीपीसी, जेएसडब्ल्यू, टाटा स्टीलसह 32 शेअर्सची सुरुवात घसरणीने झाली.

सोमवारी शेअर बाजाराची सुरुवात चांगली झाली, आणि आठवड्याच्या पहिल्या दिवशी बाजार 2 टक्क्यांच्या वाढीसह बंद झाला. व्यवहाराच्या शेवटी, सेन्सेक्स (Sensex) 1041.08 अंकांच्या म्हणजेच 1.90 टक्क्यांच्या वाढीसह 55,925.74 वर बंद झाला.

दुसरीकडे, निफ्टी (Nifty) 308.95 अंकांच्या अर्थात 1.89 टक्क्यांच्या वाढीसह 16,661.40 वर बंद झाला.देशांतर्गत बाजारात निअर ट्रेंड रिव्हर्सल दिसत असल्याचे जिओजित फायनान्शिअल सर्व्हिसेसचे विनोद नायर म्हणाले. जागतिक बाजारांनीही सोमवारी चांगले संकेत दिले. चिनी बाजारातूनही चांगले संकेत दिसत आहेत, ज्यामुळे संपूर्ण आशियाई बाजाराच्या सेटीमेंट मध्ये सुधारणा आहे. बाजारात नजीकच्या काळात वाढ होऊ शकते. मात्र, आरबीआयच्या धोरणात्मक बैठकीवर बाजाराची नजर असेल असेही ते म्हणाले.