Share Market Closing : 2022 च्या शेवटच्या ट्रेडिंग दिवशी भारतीय शेअर बाजार घसरणीसह बंद झाला आहे. BSE सेन्सेक्स 293 अंकांनी घसरून 61000 च्या खाली 60,840 अंकांवर बंद झाला. तर NSE चा निफ्टी 86 अंकांच्या घसरणीसह 18,105 अंकांवर बंद झाला.
वर्षाच्या शेवटच्या ट्रेडिंग सत्रात धातू, रिअल इस्टेट, मीडिया आणि पीएसयू बँकांच्या शेअर्समध्ये तेजी आहे. पण बँकिंग, ऑटो, आयटी, फार्मा, एफएमसीजी, ऊर्जा क्षेत्रातील शेअर्समध्ये घसरण झाली आहे.
स्मॉल कॅप आणि मिड कॅप क्षेत्रातील समभाग तेजीत आहेत. सेन्सेक्समधील 30 समभागांपैकी 10 समभाग वाढीसह बंद झाले. तर 20 समभाग तोट्यासह बंद झाले. निफ्टीच्या 50 समभागांपैकी 17 समभाग वाढीसह बंद झाले तर 33 समभाग तोट्यासह बंद झाले.
हेही वाचा : जोखमीचे भान राखूनच करा SIP मध्ये गुंतवणूक
पुढील वर्षात हे शेअर्स तेजीत असण्याची शक्यता आहे. यामध्ये भारती एअरटेल (BHARTIARTL), आयशर मोटर्स (EICHERMOT), स्टेट बँक ऑफ इंडिया (SBIN), ऍक्सिस बँक (AXISBANK), टाटा स्टील (TATASTEEL).
आयडीएफसी फर्स्ट बँक (IDFCFIRSTB), झिंदाल स्टील (JINDALSTEL), टीव्हीएस मोटर्स (TVSMOTOR), बालक्रिष्ण इंडस्ट्रीज (BALKRISIND), हिंदुस्थान पेट्रोलियम (HINDPETRO)
बाजारात घसरण होऊनही बीएसईच्या मार्केट कॅपमध्ये फारसा बदल झालेला नाही. बीएसईमध्ये सूचीबद्ध कंपन्यांचे मार्केट कॅप गुरुवारी रु. 282.45 लाख कोटी होते. आज मार्केट कॅप रु. 282.44 लाख कोटी आहे.
नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.