Share Market Opening 11th March 2022: शुक्रवारी 2022-23 या आर्थिक वर्षाच्या पहिल्या मॉनिटरी पॉलिसी रिव्ह्यूमध्ये रिझर्व्ह बँकेने व्याजदर स्थिर ठेवल्याने शेअर बाजार वाढीसह बंद झाला. त्यामुळे शेअर बाजारातील सलग तीन दिवसांच्या घसरणीला ब्रेक लागला. आजच्या दिवसाची सुरुवात मात्र किरकोळ घसरणीने झाली. सेन्सेक्स आणि निफ्टी दोन्ही निर्देशांकात किरकोळ घसरण झाली. आजच्या दिवसाच्या सुरुवातीला सेन्सेक्समध्ये 114 अंकांच्या वाढीसह 59333.18वर सुरु झाली. निफ्टी 43.45 अंकांच्या घसरणीसह 17740.90वर पातळीवर सुरु झाला.

दरम्यान शुक्रवारी दिवसाच्या शेवटी सेन्सेक्स 412.23 अंकांनी अर्थात 0.70 टक्क्यांनी वाढून 59,447.18 वर आणि निफ्टी 144.80 अंकांनी अर्थात 0.82 टक्क्यांनी वाढून 17,784.30 वर बंद झाला.

आरबीआयच्या बैठकीच्या अगोदर गेल्या दोन-तीन दिवसांआधी बाजाराने सावध भूमिका घेतली होती असे जिओजित फायनान्शिअल सर्व्हिसेसचे विनोद नायर म्हणाले. पण आता लक्ष चौथ्या तिमाहीच्या कमाईच्या सिझनकडे आल्याचेही ते म्हणाले. हा कमाईचा सिझन पुढील आठवड्यात सुरू होईल. याची सुरुवात आयटी आणि बँकिंग क्षेत्राकडून केली जाईल.

शुक्रवारी ग्रासिम इंडस्ट्रीज, आयटीसी, एसबीआय लाइफ इन्शुरन्स, जेएसडब्ल्यू स्टील आणि एम अँड एम हे निफ्टीमध्ये सर्वाधिक वाढले होते. तर दुसरीकडे, सिप्ला, एनटीपीसी, टेक महिंद्रा, मारुती सुझुकी आणि सन फार्मा या शेअर्समध्ये सर्वाधिक वाढ झाली.