आंतरराष्ट्रीय बाजारात कच्च्या तेलाचे दर वाढल्याने त्याचा परीणाम भारतीय शेअर बाजारावर दिसून येत आहे. मात्र आज शेअर बाजार तेजीसह उघडला आणि प्री-ओपनिंगमध्येच सेन्सेक्स आणि निफ्टी चांगल्या वाढीसह व्यवहार करताना दिसत आहे. (Todays Share Market Updates)
सेन्सेक्स 200 अंकांनी वधारला तर निफ्टी 18,050 अंकानी वर आली. शेअर बाजाराचा येणारा काळ खूपच सकारात्मक दिसत असून निफ्टी डेली चार्टवर फॉलिंग ट्रेड लाइनकडे जाताना दिसतो. निफ्टीचा पहिला रझिस्टंस 18,150 वर दिसतो, तर 17,800 वर सपोर्ट दिसत आहे.
एचडीएफसी बँक (HDFC Bank) आणि एचडीएफसी यांच्या विलीनीकरणाच्या घोषणेनंतर, भारतीय इक्विटी मार्केट सोमवारी 2 टक्क्यांहून अधिक वधारला होता. विशेष म्हणजे या विलीनीकरणामुळे मार्केट कॅपच्या बाबतीत देशातील तिसरी सर्वात मोठी कंपनी आकार घेईल.
इंट्राडे ट्रेडिंगमध्ये सेन्सेक्स (Sensex) आणि निफ्टी (Nifty) 60,845.10 आणि 18,114.65 च्या पातळीवर पोहोचले. सोमवारी व्यवहाराच्या शेवटी, सेन्सेक्स 1335.05 अंकांच्या अर्थात 2.25 टक्क्यांच्या वाढीसह 60,611.74 वर बंद झाला होता. दुसरीकडे, निफ्टी 382.95 अंकांच्या अर्थात 2.17 टक्क्यांच्या वाढीसह 18053.40 वर बंद झाला होता.
एचडीएफसी बँक आणि एचडीएफसीच्या विलीनीकरण घोषणेमुळे देशांतर्गत बाजारात जोरदार तेजी दिसून आल्याचे चित्र आहे. या आठवड्यात होणाऱ्या आरबीआयच्या बैठकीकडे आता सर्वांचे लक्ष असणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.