Today's Share Market Updates: सकारात्मक ओपनिंगनंतरही सोमवारी शेअर बाजार लाल चिन्हात बंद झाला होता. आजसुद्धा शेअर बाजाराने स्थिर ओपनिंग दिलं. परंतु त्यानंतर शेअर बाजारात किरकोळ घसरण झाली आहे. आज निफ्टी 10.85 अंकांच्या वाढीसह 16,225.55 वर सुरु झाला, तर सेन्सेक्स 18.95 अंकांच्या घसरणीसह 54,307.56 वर सुरु झाला. परंतु पहिल्या तासाभरातच निफ्टी 64.25 अंकांच्या घसरणीसह 16,150 पातळीवर तर सेन्सेक्स 221.90 अंकांच्या घसरणीसह 54,307.56 वर पोहोचला आहे.

सोमवारी सेन्सेक्स-निफ्टी सोमवारी हलक्या घसरणीसह बंद झाले. सरकारने लोहखनिज आणि काही पोलाद मध्यस्थांवर निर्यात शुल्क (Export Duty) लादल्यानंतर, मेटल शेअर्सची विक्री झाली. शेवटी सेन्सेक्स 37.78 अंकांनी म्हणजेच 0.07 टक्क्यांनी घसरून 54,288.61वर बंद झाला. दुसरीकडे, निफ्टी 51.45 अंकांनी किंवा 0.32 टक्क्यांनी घसरून 16,214.70 वर बंद झाला.