युनिकेम लॅबोरेटरीजचे (Unichem Laboratories) शेअर्स सध्या चांगलेच तेजीत दिसत आहेत. गुरुवारी इंट्राडे ट्रेडिंगमध्ये, हा स्टॉक 5 टक्के वाढत 452.95 रुपयांचा नवीन उच्चांक बनवताना दिसला. गेल्या 4 ट्रेडिंग सत्रांमध्ये हा स्टॉक 17 टक्क्यांनी वाढला आहे, तर गेल्या 4 महिन्यांत हा स्टॉक सुमारे 90 टक्क्यांनी वाढला.

गेल्या एका वर्षात, युनिकेम लॅबोरेटरीजच्या (Unichem Laboratories) शेअरने सुमारे 102 टक्के वाढ नोंदवली आहे, तर याच कालावधीत बीएसई सेन्सेक्स केवळ 2 टक्के वाढला आहे. युनिकेम लॅबोरेटरीज भारतासह जगातील सर्व देशांमध्ये आपली औषधे विकते.

कंपनीला गेल्या 3 महिन्यांत US FDA कडून 4 औषधांसाठी ANDA मंजूरी मिळाली आहे. त्यामुळे याचा फायदा कपनीला येत्या काळात मिळू शकतो. आता या शेअरमध्ये पैसे गुंतवण्याची योग्य संधी असल्याचा सल्ला शेअर बाजार तज्ज्ञ देत आहेत.

प्रॉडक्ट फायलिंग मंजुरीच्या दृष्टिकोनातून कंपनीच्या पुढील वाढीची शक्यता खूप चांगली दिसत असल्याचे युनिकेम लॅबोरेटरीजने म्हटले आहे. कोरोना महामारीनंतर, AQ थेरपी सेगमेंटमध्ये पूर्वीसारखी वाढ होण्याची शक्यता नाही, तरीही लाईफ स्टाईल, आणि इतर आजारांमुळे क्रोनिक औषधांची मागणी मजबूत राहण्याची शक्यता आहे. ज्याचा फायदा कंपनीला मिळू शकतो असा विश्वास शेअर बाजार तज्ज्ञ व्यक्त करत आहेत.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.