Share Market Updates: गेल्या दोन दिवसांपासून शेअर बाजारात सुरु असलेले घसरणीचं सत्र आजही सुरुच राहिलं. आज विकली एक्सपायरीच्या दिवशी दोन्ही निर्देशांक घसरणीसह सरु झाले. आजच्या दिवसाच्या सुरुवातीला सेन्सेक्स आणि निफ्टीने गॅप डाउन ओपनिंग दिलं. सेन्सेक्स 207.8 अंकांच्या घसरणीसह 59402.61वर सुरु झाला तर निफ्टी 84.35 अंकांच्या घसरणीसह 17723वर सुरु झाला.

तत्पूर्वी काल सलग दुसऱ्या दिवशीही शेअर बाजारात घसरण झाली. विकली एक्सपायरीच्या आदल्या दिवशी शेअर बाजारात मोठी घसरण झाली. सेन्सेक्स 566.09 अर्थात 0.94 टक्क्यांनी घसरून 59610.41वर बंद झाला, तर निफ्टीमध्येही 149.75 अर्थात 0.83 टक्क्यांची घसरण होऊन 17,807.65 बंद झाला.