नवी दिल्ली : "ओयो' हॉटेल्स अँड होम्स देशभरातून किमान दोन हजार कर्मचाऱ्यांची कपात करण्याची शक्यता आहे. एका वृत्तसंस्थेने दिलेल्या माहितीनुसार, जानेवारीमध्ये कर्मचारीकपातीची अंमलबजावणी केली जाणार आहे. "ओयो' ही भारतीय हॉस्पिटॅलिटी स्टार्टअप आहे. गेल्या काही दिवसांपासून "ओयो'च्या व्यवसायाला फटका बसला आहे. त्याचबरोबर अनेक हॉटेलमालकांशी वाद सुरू झाल्याने कंपनीसमोर मोठे आव्हान उभे राहिले आहे.
सॉफ्टबॅंक या जपानी वित्तसंस्थेने "ओयो'मध्ये मोठी गुंतवणूक केलेली आहे. सध्या "ओयो'चे मूल्य 10 अब्ज डॉलरवर पोचले आहे. ग्राहकांना हॉटेलची बुकिंग मोबाईल ऍप किंवा वेबसाइटच्या माध्यमातून करून देण्याची सुविधा "ओयो' पुरवते. कर्मचारीकपातीच्या संदर्भात मात्र "ओयो'ने कोणतीही कर्मचारीकपात करणार नसल्याचे म्हटले आहे. तंत्रज्ञानाच्या वापरामुळे व्यवसायात कर्मचाऱ्यांच्या कामाचे स्वरूप बदलते, असे "ओयो'चे म्हणणे आहे. गेल्या महिन्यात समोर आलेल्या आकडेवारीनुसार, 2021 पर्यंत "ओयो'ला भारतातील व्यवसायात तोटा होण्याची शक्यता आहे.
ओयो-याहूची भागीदारी संपुष्टात
"याहू'ने जपानमधील "ओयो'सोबतची भागीदारी संपुष्टात आणली आहे. "याहू' आणि "ओयो'चा जपानमध्ये हॉटेल रूम भाड्याने देण्याचा संयुक्त उपक्रम होता. मात्र, अलीकडच्या काळात व्यवसायात आलेल्या अडचणींमुळे "याहू' "ओयो'बरोबरच्या व्यवसायातून बाहेर पडली आहे. जपानमध्ये "ओयो लाइफ' या नावाने सेवा पुरविली जात होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.