Home Loan Tips: तुम्हीही होम लोन घेण्याचा विचार करताय ? की आधीच होम लोन घेतले आहे ? मग ही बातमी तुम्हाला मदत करू शकते. किती EMI ठेवणे योग्य असेल ? EMI वाढवून लवकर होम लोन (Home Loan) पासून सुटका करायची ? की दीर्घ काळापर्यंत लोन भरत रहायचे असे अनेक प्रश्न असतात. जाणून घेऊयात याची उत्तरे...

प्रत्येकालाच होम लोनच्या जाळ्यातून लवकर मुक्त व्हायचे असते. होम लोनबाबत अनेक समज गैरसमजहते. जाणकार काय सांगतात ते पाहुयात कारण जाणकारांचे मत याबाबत वेगळेच आहे.

किती ठेवावा EMI ?

EMI ची रक्कम तुमच्या उत्पन्नानुसार ठरवावी असे तज्ज्ञ सांगतात. होम लोनचा EMI तुमच्या पगाराच्या (Total Take Home Salary) 35 टक्क्यांपेक्षा जास्त नसावा असे फायनांशिअल प्लॅनर तारेश भाटिया यांचे म्हणणे आहे. समजा तुमचा पगार 1 लाख रूपये (टेक होम) आहे, तर तुमचा EMI हा 35 हजारांपेक्षा जास्त नसावा. जर तुम्ही एकापेक्षा जास्त लोन घेतले असतील तरीही 40 टक्क्यांपेक्षा जास्त EMI नसावा असे भाटिया यांचे म्हणणे आहे.

पगार वाढल्यावर EMI वाढवावा ?

समजा तुमचा पगार 10 हजारांनी वाढला तर EMI ची रक्कम वाढवण्याकडे अनेकांचा प्रघात असतो. पण तज्ज्ञ EMI वाढवण्याचा सल्ला देत नाहीत. होम लोन (Home Loan) वर तुम्हाला 6-7 टक्के व्याज द्यावे लागते. त्यामुळे EMI न वाढवणेच फायद्याचे ठरेल असे जाणकार सांगतात. वाढलेला पगार चांगल्या फंडमध्ये गुंतवा ज्यात तुम्हाला 12-14 टक्के रिटर्न्स मिळतात.

वेळेआधीच होम लोन संपवायचे का ?

जर तुमच्याकडे एकरकमी पैसे येत आहेत तर तुम्ही होम लोन (Home Loan) एकत्र भरून टाकण्याबाबतही जाणकारांचे मत वेगळे आहे. तुमच्याजवळ जर काही लाख येत आहेत तर ते चांगल्या फंडमध्ये गुंतवा ज्यावर तुम्हाला चांगले रिटर्न्स मिळतील. तुम्ही एकत्र होम लोन भरले तरी तुम्हाला लोनवरील संपूर्ण इंटरेस्ट रेट भरायचा आहेच त्यात काहीही कमी होणार नाही. मग एकत्र पैसे भरून होम लोन संपवण्यापेक्षा हे पैसे चांगल्या स्किममध्ये टाकण्याचा सल्ला जाणकार देत आहेत.