गेल्या बऱ्याच काळापासून शेअर बाजारात अस्थिर वातावरण आहे, पण अशा अस्थिर वातावरणातही काही शेअर्सनी कमाल केली आहे. त्यातच टाटा ग्रुपचा आयटी शेअर टीसीएसचा समावेश होतो. तुम्हालाही शेअर बाजाराच्या अस्थिर काळात काही शेअर्स तुमच्या पोर्टफोलिओमध्ये समाविष्ट करायचे असतील तर तुम्ही टीसीएसचा विचार करु शकता असा सल्ला शेअर बाजार तज्ज्ञ देत आहेत. ब्रोकरेज फर्म शेअरखानने टीसीएसवर खरेदीचे मत (Buy Rating) कायम ठेवले आहे. कंपनीचे बिझनेस मॉडेल चांगले आहे आणि ऑर्डर बुक मजबूत आहे.

ग्रोथ आणि ट्रान्सफॉर्मेशन (G&T) इनीशिएटिव्ज, तंत्रज्ञान आणि ऑपरेशन्सवर जास्त खर्चामुळे मागणी मजबूत आहे. यामुळे कंपनीच्या वाढीला चांगली चालना मिळू शकते. आयटी उद्योगातील सर्व सेगमेंट्समध्ये मार्केट शेअर मिळवण्यात TCS चा मजबूत ट्रॅक रेकॉर्ड आहे.

23% वाढ अपेक्षित

शेअरखानने टीसीएसवर बाय रेटींग कायम ठेवली आहे. तसेच, टारगेट 3800 रुपये ठेवण्यात आली आहे. 17 जून 2022 रोजी शेअर 3088 रुपयांवर बंद झाला. म्हणजेच, स्टॉक सध्याच्या किंमतीपेक्षा सुमारे 23 टक्क्यांची वाढ पाहू शकतो. 2022 मध्ये आतापर्यंत स्टॉकमध्ये सुमारे 18 टक्के सुधारणा झाली आहे. मात्र, गेल्या 5 वर्षांचा ट्रॅक रेकॉर्ड पाहिला तर हा शेअर मल्टीबॅगर असल्याचे सिद्ध झाले आहे. गुंतवणूकदारांना टीसीएसच्या स्टॉकमध्ये 165% पेक्षा जास्त परतावा मिळाला आहे.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.