टाटा म्युच्युअल फंड (Tata Mutual Fund) या देशातील आघाडीच्या कंपनीने टाटा निफ्टी इंडिया डिजिटल ईटीएफ एफओएफ निफ्टी मिडकॅप 50 इंडेक्स फंड (Tata Nifty India Digital ETF FoF) लाँच केला आहे. या एनएफओचे (New Fund Offer) सबस्क्रिप्शन 25 मार्च सुरु झाले आहे. तुम्ही 8 एप्रिल 2022 पर्यंत यामध्ये गुंतवणूक करू शकता. ही एक ओपन एंडेड योजना आहे. त्याचा बेंचमार्क निर्देशांक निफ्टी इंडिया डिजिटल इंडेक्स (Nifty India Digital Index (TRI) आहे.

5000 रुपयांपासून गुंतवणूक सुरू करू शकता

टाटा निफ्टी इंडिया डिजिटल ETF FoF मध्ये किमान 5,000 रुपये आणि त्यानंतर 1 रुपयाच्या पटीत गुंतवणूक करता येऊ शकते. हा फंड इक्विटी सेक्‍टरल-टेक्‍नोलॉजी कॅटेगरीतला आहे. या योजनेच्या फंड मॅनेजर मिता सेट्टी आहेत. हा ओपन एंडेड फंड ऑफ फंड, स्कीम टाटा निफ्टी इंडिया डिजिटल एक्सचेंज ट्रेडेड फंडमध्ये गुंतवणूक करेल.

स्मार्टफोनचा वाढता वापर, कमी डेटा दर आणि UPI चा वाढता वापर यामुळे भारतात डिजिटायझेशन होत आहे. त्यामुळे इंटरनेट, स्मार्टफोन, ऑनलाइन पेमेंट आणि डेटा वापरणाऱ्यांमध्ये वाढ झाली आहे. यामुळे कंपन्यांच्या डिजिटायझेशनला चालना मिळण्यास मदत होईल. लाँग टर्म संपत्ती निर्माण करू इच्छिणाऱ्या गुंतवणूकदारांसाठी टाटा निफ्टी इंडिया डिजिटल ईटीएफ एफओएफ हा एक चांगला पर्याय आहे.

^{नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.}