नवी दिल्ली: देशात सध्या कोरोनाचा प्रभाव काही प्रमाणात कमी झाल्याचे दिसत आहे. पण मागील 4-5 महिन्यांत कोरोनाने देशात मोठा कहर केला होता. सगळे आर्थिक व्यवहार ठप्प झाले होते. अशातच कर भरणाऱ्यांसाठी सध्या एक चांगली बातमी आली आहे. कोरोनामुळे देशात आयकर विभागाने रिटर्न (Income tax return) भरण्याची मुदत वाढवली आहे. यावर्षी ही मुदत बऱ्याचदा वाढवली गेली आहे. केंद्रीय प्रत्यक्ष कर बोर्डाकडून (CBDT) मिळालेल्या माहितीनुसार, 2019- 20 चा इनकम टॅक्स रिटर्न भरण्याची तारीख 31 डिसेंबर 2020 केली आहे. यापुर्वी याची तारीख 30 नोव्हेंबर 2020 होती.
वैयक्तिक कर भरणाऱ्यांना ज्यांना त्यांचे अकाउंट ऑडिट करायचे आहेत, त्यांच्यासाठी रिटर्न फायलींगची मुदत वाढवण्यात आली आहे. जरी याची तारीख वाढवली असली तरी करदात्यांनी शेवटच्या तारखेपर्यंत वाट पाहू नये असा सल्ला तज्ज्ञांनी दिला आहे.
या मुदतवाढीचा मुख्य उद्देश कोरोनाकाळात करदात्यांना काही प्रमाणात दिलासा देण्याचा आहे. त्यामुळे आता लवकरात लवकर ITR साठी अर्ज करावा कारण शेवटपर्यंत वाट पाहिली तर त्याचा फटका करदात्यांना बसू शकतो, असंही तज्ज्ञांनी सांगितले आहे.
31 डिसेंबरपर्यंत वाट पाहू नका कारण-
1.शेवटच्या क्षणी येऊ शकतात अडचणी-
आयटीआर फायलिंगसाठी तपशील अचूक असल्याची खात्री करण्यासाठी बरीच काळजी आणि लक्ष देणे आवश्यक आहे. उल्लेख केलेले सर्व तपशील बरोबर आहेत याची खात्री करण्यासाठी तुमच्याकडे सर्व कागदपत्रे, टॅक्स स्टेटमेंट्स, व्याज उत्पन्न प्रमाणपत्रे असणे आवश्यक आहे जेणेकरून पुढे काही त्रुटी येणार नाहीत
2. उशिराचे व्याज देयक-
ज्या करदात्यांची कर दायित्वे 1 लाख रुपयांपेक्षा जास्त आहेत त्यांनी पूर्वीप्रमाणे कर विवरणपत्र भरण्याचा प्रयत्न केला पाहिजे कारण त्यांना महिन्याच्या आधारावर वाढीव व्याज देयक दिले जाणार आहेत.
3. जलद परतावा प्रक्रिया-
जर तुम्हाला टॅक्स रिफंड देय असेल तर पेमेंट लांबणीवर पडेल कारण कर विभाग थकबाकी भरलेला विवरणपत्र भरल्यानंतरच परताव्याची प्रक्रिया सुरू करेल.
करदात्यांनी हे लक्षात ठेवले पाहिजे की योग्य तारखेनंतर आयटीआर भरण्याचीही विशिष्ट कालावधीपर्यंत परवानगी आहे. त्याअगोदर करदात्यांना या प्रकरणात दंड भरावा लागेल. रिटर्न न भरणे हा फौजदारी गुन्हा असल्याने आयकर कायद्यांतर्गत एखाद्याला शिक्षाही होऊ शकते.
(edited by- pramod sarawle)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.