गेल्या काही वर्षांत तरुणांमध्ये एसआयपी (SIP) ची क्रेझ झपाट्याने वाढली आहे. याद्वारे गुंतवणुकीचे अनेक फायदे आहेत. SIP सह, तुम्ही कमी वेळेत पद्धतशीर पद्धतीने चांगली गुंतवणूक करू शकता आणि त्यावर परतावा देखील चांगला आहे. तुम्ही SIP मध्ये किमान 500 रुपये प्रति महिना गुंतवणे सुरू करू शकता.

दरम्यान आता म्युच्युअल फंड (Mutual Fund) डिस्ट्रिब्यूशन प्लॅटफॉर्म ZFunds ने 100 रुपयांची SIP सुरू केली आहे. मात्र ही दररोजच्या आधारावर (Daily Base) एसआयपी आहे. सध्या, SIP मध्ये गुंतवणूक मासिक आधारावर केली जाते. ग्रामीण भागात आणि छोट्या शहरांमध्ये राहणाऱ्या लोकांना लक्षात घेऊन ही योजना सुरू करण्यात आली आहे.

ZFunds द्वारे सांगण्यात आले की, ही SIP आईसीआईसीआई प्रूडेंशियल म्यूचुअल फंड (ICICI Prudential Mutual Fund), एचडीएफसी म्यूचुअल फंड (HDFC Mutual Fund) आणि टाटा म्यूचुअल फंड (Tata Mutual Fund) यांच्या संयुक्त विद्यमाने ऑफर केली गेली आहे.

सहज करू शकता गुंतवणूक

ही योजना सुरू करण्यामागील ZFunds चा हेतू टियर-2, टियर-3 आणि टियर-4 शहरांमध्ये राहणाऱ्या लोकांपर्यंत लवकर पोहोचणे हा आहे. येथील लोकांचे उत्पन्न रोजचे आहे. अशा परिस्थितीत, ते दररोज जमा होणाऱ्या एसआयपीमध्ये सहज गुंतवणूक करू शकतो.

दैनंदिन कमाई करणाऱ्यांसाठी चांगली संधी

कंपनीचे सह-संस्थापक आणि सीईओ मनीष कोठारी म्हणाले की, स्वयंरोजगारात गुंतलेल्या आणि रोजच्या रोज कमाई करणाऱ्या लोकांसाठी हा एक चांगला गुंतवणूक पर्याय आहे. यात रोजगार करणारे, छोटा उद्योग चालवणारे उद्योजक अगदी सहज गुंतवणूक करु शकतात आणि चांगला परतावा मिळवू शकतात