प्रजासत्ताकदिनानिमित्त बाजारात पांढऱ्या रंगाच्या कपड्यांची तसेच ऍक्‍सेसरीजची प्रचंड व्हरायटी आलेली दिसते. शाळा, महाविद्यालये किंवा इतर सामाजिक उपक्रमांमध्ये सहभागी होताना विशेष करून पांढऱ्या रंगांच्या सोबर रंगाच्या कपड्यांना प्राधान्य दिले जाते. वेगवेगळ्या निमित्ताने तुमच्या वॉर्डरोबमधील "पांढऱ्या' रंगाच्या नाजूक वर्क असलेल्या ड्रेस'ला आता जरा हवा लागू द्या. 

- व्हाइट कॉम्बिनेशनमधील ट्रॅडिशनल वेअर पाहायला मिळतात. तुम्हाला कॅज्युअल्सची आवड असल्यास केशरी, पांढरा, हिरवा अशा ट्रायकलरमधील कपडे बाजारात उपलब्ध आहेत. 
- ड्रेसच्या पांढऱ्या रंगामुळे आपल्याला त्यावर वेगवेगळी नक्षी, रंगीत पॅचवर्क, एम्ब्रॉयडरी आणि थ्रेडवर्क करता येते. त्यामुळे तुमचा ड्रेस, स्कर्ट चार चौघींमध्ये उठून दिसतो. 
- व्हाइट कलरमध्ये लखनवी,चिकनचे, ज्यूट, सिंथेटिक मटेरियलचे टॉप, कुर्ते तसेच सलवार, पटियाला, चुडीदार, घेरदार स्कर्ट असे विविध प्रकार बाजारात उपलब्ध आहेत. या व्हाइट कलरसोबत नेव्ही ब्ल्यू, ऑरेंज, लेमन, पिंक असे कॉम्बिनेशन जुळते. 
- कधी-कधी पांढऱ्या कपड्यांच्या पोतातच विशिष्ट प्रकारचं नक्षी काम असतं. त्यामुळे त्यावर वेगळं डिझाइन करण्याची गरज नसते. एखादा गडद रंगाचा स्टोल, स्कार्फ असल्यास तो तुम्ही प्लेन कुर्ती, ड्रेसवर कॅरी करू शकता. प्लेन व्हाइट सलवार-कमीजवर मल्टीकलर दुपट्टा क्‍लास दिसतो. 
- व्हाइट ड्रेसेसवर खूप हेवी मेकअप नसावा. मेकअप करायचाच असल्यास न्यूड लिपग्लॉस, फ्रूट लिपबाम लावा. संध्याकाळी जुन्या मैत्रिणींसमवेत गेट टूगेदर, पार्टी असल्यास आय मेकअप करणे गरजेचे ठरेल. यासाठी व्हाइट आयशॅडो आणि लाल, पर्पल लिपस्टिक असे रंग शोभून दिसतील. पांढऱ्या ड्रेसवर ज्वेलरी घेताना सगळ्या प्रकारचे दागिने घालण्याचे स्वातंत्र्य मिळते. व्हाइट स्टोनपासून केलेले किंवा ऑक्‍साईड ज्वेलरीही यावर उठून दिसते. मोत्याचे दागिने घातल्यास आणखी एक वेगळा लुक मिळेल.