पुणे : औंधमधील आयटीआय रस्त्यावर दोन आठवड्यांपूर्वी स्मार्ट सिटी प्रोग्राम अंतर्गत काम सुरू केले आहे. एका बाजूला पादचारी मार्गासाठी रस्ता खोदला आहे. हे काम प्रगतिपथावर असताना पालिकेने दुसऱ्या बाजूला फटाक्‍यांचे स्टॉल्स लावण्याची परवानगी दिली आहे. यापूर्वी या रस्त्यावर असे प्रकार होत नव्हते. त्यामुळे स्थानिक रहिवाशांसाठी हे धक्‍कादायक आहे. त्यात स्थानिक नगरसेवकांनी 4 नोव्हेंबरपासून आयटीआय रस्त्यावर शेतकऱ्यांचा आठवडे बाजार चालू केला आहे.

या क्षेत्रातील स्थानिक नागरिकांना आणखी एक अनपेक्षित गोष्टीला समारे जावे लागत आहे. या रस्त्यावर काम चालू असताना फटाका स्टॉल आणि आठवडे बाजारसाठी ही जागा कशी काय दिली? या प्रकारामुळे स्थानिक नागरिक चिंतेत असून, महापालिकेने याकडे लक्ष देऊन तातडीने उपाययोजना करावी.