Woolen Clothes To God: देव आणि भक्त यांच्यामध्ये कायम श्रद्धा आणि भक्ती भावाचं नातं राहीलं आहे. देव जसा भक्तांच्या मनातलं दु:ख जाणतो त्याचप्रमाणे भक्तांनासुद्धा देवाची काळजी असते. हीच काळजी दर्शवत काशीच्या मंदिरात भक्तांनी देवांचा थंडीपासून बचाव करण्यासाठी त्यांना लोकरी कपडे वस्त्र घालून दिलेत.

देवांनाही थंडी वाजते काय की त्यांनाही तहान भूक लागते? या प्रश्नांचं उत्तर तुम्हाला कदाचित काशीच्या मंदिरांत मिळू शकेल. कारण येथील भक्तांनी देवांना थंडीपासून वाचवण्यासाठी त्यांना वूलन कपड्यांसह टोपसुद्धा घालून दिलाय.

पंजाब, हरियाणा, उत्तर राजस्थानसह आणि हिमाचल प्रदेशासह आता वाराणसीमध्येही तुम्हाला अनोखी पद्धत दिसून येईल. गोलघर क्षेत्रातलं प्राचीन सिद्धिदात्रीचं मंदिर असो किंवा मग मैदिगिन क्षेत्रातलं संकट हरण शनिदेव महाराजांचं मंदिर असो या सगळ्या ठिकाणी देवांचा कडाक्याच्या थंडीपासून बचाव करण्यासाठी त्यांना लोकरीचे वस्त्र घालून दिल्या गेलेय.

यावेळी मंदिरातील पुजाऱ्यांनी हे देखील सांगितले की भक्तांना थंडीच्या दिवसांत थंडी वाजू नये याची देखील विशेष काळजी घेतली जाते.