Lakshmi puja vidhi: यंदा छोटी दिवाळी आणि दिवाळी एकाच दिवशी आली आहे. यादिवशी अनेकजण पहाटे उठून स्नान करतात. आज संध्याकाळी घरोघरी लक्ष्मीपूजन करण्यात येईल. अनेक नवविवाहित जोडप्यांना पूजेची योग्य विधी माहिती नसू शकते. तेव्हा अशांनी पूजेची आणि विधी आणि विशेष म्हणजे मुहूर्त जाणून घ्या.

दिवाळी हा हिंदू धर्मातील महत्वाचा सण आहे. या दिवशी माता लक्ष्मी आणि गणेशाची पूजा केली जाते. लक्ष्मी पूजनाचा शुभ मुहूर्त संध्याकाळी 06.53 ते रात्री 08.16 पर्यंत आहे. लक्ष्मी मातेला प्रसन्न करण्यासाठी जाणून घ्या लक्ष्मीपूजनाची सोपी मांडणी. (Diwali)

लक्ष्मीपूजनासाठी लागणारे साहित्य

लक्ष्मी मातेचा फोटो किंवा मूर्ती

गणपती बाप्पाचा फोटो किंवा मूर्ती

कुबेराचा फोटो किंवा मूर्ती

नाणी किंवा नोटा

दागिने किंवा चांदीची नाणी

एक कोरीवही घ्यावी त्यावर कुंकवाने ओम काढावा किंवा स्वस्तिक काढावा.

चौरंग किंवा पाठ

लाल रंगाचे कापड

पाणी

तांदूळ

गंध

पंचामृत

हळद, कुंकू

अक्षदा

फुले

विड्याची पाच पाने

झाडू

लाह्या बताशे (pooja sahitya)

लक्ष्मीपूजन विधी (Lakshmi Pujan ritual)

लक्ष्मीपूजनाची विधी करण्याकरिता ४आधी देवघरामध्ये एक चौरंग ठेवावा त्यावर लाल कापड टाकावा. त्यावर उजव्या बाजूला कळस मांडावा त्या कळसांमध्ये पाच विड्याची पाने टाकावी, एक रुपयाची नाणी टाकावी आणि कळसाच्या वर नारळ ठेवावा त्या नारळाची शेंडी वर असायला हवी. आपण जो चौरंग घेतला आहे, त्या चौरंगावर मध्यभागी तांदुळाची रास करावी. त्यावर गणपती, कुबेर, लक्ष्मी यांची मूर्ती किंवा फोटो ठेवावा. जर तुमच्याकडे काहीच नसेल तर सुपारी ठेऊ शकतात.

त्यानंतर चौरंगावर जागा शिल्लक असेल त्या जागेमध्ये हिशोबाची वही आणि पेन ठेवावी तसंच पैसे नाणी ठेवावे. त्यानंतर चौरंगाची हळद कुंकू लावून पूजा करून घ्यावी. फराळ आणि लाह्या बताशे यांचा नैवेद्य दाखवावा. झाडूला लक्ष्मी मानतात म्हणून नवीन झाडूची पूजा केली जाते.