पुणे : हिरव्यागार निसर्गाचा सहवास कोणाला आवडत नाही?. झाडे आपल्या सभोवतालचे वातावरण फ्रेश ठेवतात. घरात झाडे लावल्याने ते घराच्या सौंदर्यात भर घालतात. म्हणूनच आजकाल अनेकजण बागेत, घरात, बाल्कनीत झाडे लावतात. पण तुम्हाला माहिती आहे काय की या झाडांचा आपल्या नशीबाशी डायरेक्ट संबंध आहे. घरात आपल्या सभोवती असलेली काही लकी प्लांट आपले नशीब पालटवू शकतात.

वास्तूचा झाडे आणि वनस्पतींशी विशेष संबंध असतो. असे म्हणतात की, घरात काही विशेष प्लांट लावल्याने सकारात्मक ऊर्जेचा प्रवाह वाढतो. आज आम्ही तुम्हाला अशा प्लांटबद्दल सांगत आहोत. यंदाच्या दिवाळीत घरात आणल्याने किंवा कोणीलातरी गिफ्ट म्हणून दिल्याने घरात सकारात्मकता पसरते.

रबर प्लांट

हा रबर प्लांट विशेषतः भारत, मलेशिया आणि जावामध्ये लोकप्रिय आहे. हे फेंगशुई आणि वास्तुशास्त्रातील लकी वनस्पतींपैकी एक मानले जाते. याची पाने गोलाकार नाण्यांसारखी असतात. त्यामुळे हे प्लांट संपत्ती, आरोग्य आणि भाग्यवान नशीबाचे प्रतिनिधीत्व करते. हे प्लांट घरातील हवा सुधारते आणि नकारात्मकता दूर करते.दिवाळीत होणारे प्रदुषणावर हे प्लांट गुणकारी ठरते.

फॉर्च्युन प्लांट

आशियाई देशांमध्ये कॉर्न किंवा फॉर्च्यून प्लांट इनडोअर प्लांट म्हणून आणले जाते. भाग्यवान नशीबाचे ते प्रतीक मानले जाते. घरामध्ये आणल्यावर ही वनस्पती वाढली तर याचा अर्थ सकारात्मकरीत्या घेतला जातो. हे प्लांट बहरले तर त्या घरातील व्यक्तीला धनसंपत्तीचा लाभ होईल. घरातील हवा शुद्ध करण्याचेही काम हे प्लांट करते.

जेड प्लांट

ही वनस्पती नशीब आणि सकारात्मक उर्जेचे प्रतीक आहे. ते घरी किंवा ऑफिसमध्ये लावणे उत्तम मानले जाते. जेड पानांचा आकार जेड दगडांसारखा असतो. हे प्लांट वृद्धी आणि पुनरुत्पादनाचे प्रतीक देखील मानले जाते. चांगला सूर्यप्रकाश मिळेल अशा ठिकाणी तूम्ही हे प्लांट ठेऊ शकता.

मनी प्लांट

मनी प्लांटचा पैशाशी संबंध सर्वश्रुत आहे. हे बहुतेक घरांमध्ये घडते. पण ते योग्य ठिकाणी योग्य पद्धतीने ठेवणे महत्त्वाचे आहे. मनी प्लांटची वेल खाली लटकत नसावी, तर त्यांना आधार देऊन नेहमी वरच्या बाजूस ठेवा, हे लक्षात ठेवा.