श्रावण महिन्यात महादेवाला प्रसन्न करण्यासाठी लोक सोमवार व्रत करतात. यासोबतच महादेवाला प्रिय असणारी बेलाची पानं, भांग, गंगाजल,दूध,चंदन, भस्म इत्यादी सामग्री महादेवाला अर्पण करतात.(Shravan) उत्तर भारतात श्रावण महिना आजपासून सुरू झालाय. महाराष्ट्रात येत्या २९ तारखेपासून श्रावण महिना सुरू होणार आहे. श्रावण महिन्याच्या पूजेचं महत्व खूप मोठं आहे. अनेकदा महिला महादेवाची पूजा करताना नकळत काही चूका करतात. मात्र येत्या श्रावण महिन्यात या चूका परत होऊ नये म्हणून महिलांनी आवर्जून काही गोष्टींची विशेष काळजी घ्यावी. (Shravan 2022: Dont Do these five things in Shravan Month)

पूजेत हळदीचा वापर करू नका - शिवलिंग पुरूषतत्वाशी संबंधित असल्याने महादेवाची पूजा करताना शिवलिंगावर हळद चढवू नका. बेलाची पानं, भांग, गंगाजल,दूध,चंदन, भस्म इत्यादी सामग्रीचा वापर तुम्ही पुजेत करू शकता.

शिवलिंगाला स्पर्श करू नका - शास्त्रानुसार महिलांनी शिवलिंगाला हात लावू नये. असं मानलं जातं की, शिंवलिंगाला महिलांनी हात लावला की पार्वतीला राग येतो.

काळ्या रंगाचे वस्त्र घालू नका - श्रावण महिन्याचं व्रत तुम्ही करत असाल तर चुकूनही काळ्या रंगाचे कपडे घालू नका. काळा रंग नकारात्मकतेचं प्रतिक असतं. महादेवाची पुजा करताना लाल किंवा पिवळ्या रंगाचे कपडे शुभ मानल्या जातात. तसेच श्रावण महिन्यात हिरव्या रंगाचे कपडे घालणंही शुभ मानल्या जातं.

श्रावण महिन्यात टाळा हे पदार्थ - श्रावण महिन्याच चुकूनही वांगे,पालेभाज्या,लसूण,कांदे आणि मास-मटण खाऊ नका. या महिन्यात आहारात सात्विक जेवण घ्या.

वाईट विचार मनात आणू नका - कुठलेही व्रत करताना ते शांत चित्ताने सर्व इंद्रियांवर ताबा ठेवून करावे . श्रावण महिन्यात कोणाच्या चुगल्या करू नका तसेच कोणाचा वाईट विचारही करू नका.