Hindu Rituals : हिंदू धर्मात देवासंबंधित पूजा, व्रत आणि विधी करण्याबाबत काही नियम सांगितले आहेत. बऱ्याच जणांना याबाबत कल्पना नसते. मात्र आपल्या घरात वडिलधाऱ्या व्यक्तींकडून काही नियम पाळण्यास आपल्याला सांगितले जाते. बरेचदा तुम्ही घरातील ज्येष्ठ मंडळींकडून देवाकडे पाठ करून उभे राहू नये असे ऐकले असेल. हे नियम खरं तर पिढी दर पिढी सांगत आपल्यापर्यंत पोहोचलेले असतात. यामागे नक्की काय कारण असते हे अनेकांना माहितीच नसते. चला तर यामागचं नेमकं कारण काय ते जाणून घेऊया.

शास्त्रानुसार गणेशाला बुद्धी देणारा आणि भगवान विष्णूला लक्ष्मीपती मानले गेले आहे. शास्त्रानुसार गणेशाला बुद्धी प्रदान करणारे देवता आणि भगवान विष्णूला लक्ष्मीपती मानले गेले आहे. हे देवता भक्तांचे सर्व दुःख दूर करतात आणि शत्रूंपासून त्यांचे रक्षण करतात. त्यांच्या नित्य दर्शनाने आपले मन शांत राहण्याबरोबरच सर्व कार्ये सफल होतात. गणेशजींना रिद्धी सिद्धीचे दाता मानले जाते. त्यामुळे त्यांच्या दिशेने पाठ करून उभे न राहण्यास सांगितले जाते.

गणेशाच्या रूपाचे आध्यात्मिक अर्थ

शास्त्रानुसार असं म्हटलं जातं की, गणेशाच्या सोंडेवर धर्म असतो, तर कानावर स्तोत्रे, उजव्या हातात आशीर्वाद, डाव्या हातात अन्न, पोटात समृद्धी, नाभीत ब्रह्मांड, डोळ्यात लक्ष्य, पायात सात विश्व आणि डोक्यात ब्रह्मलोक असल्याचं म्हटलं जातं.

गणेशाचे दर्शन घेतल्याने उपरोक्त सर्व सुख, शांती आणि समृद्धी प्राप्त होते. असे मानले जाते की गरिबी त्यांच्या पाठीवर असते. गणेशाच्या पाठीमागे दर्शन घेणारा माणूस खूप श्रीमंत असला तरी त्याच्या घरात गरिबीचा प्रभाव वाढतो. या कारणास्तव त्यांच्या पाठीकडे पाहू नये. जाणून बुजून किंवा नकळत मागे दिसल्यास श्री गणेशाची क्षमा मागून पूजा करावी. मग वाईट परिणाम नष्ट होईल. त्याच वेळी, अधर्म देखील भगवान विष्णूच्या पाठीवर राहतात असे मानले जाते. (Hindu Religion)

शास्त्रात लिहिले आहे की, ज्या व्यक्तीची कोणी पाठ थोपटतं, त्याचे पुण्य संपते आणि पाप वाढतात. या कारणांमुळे श्री गणेश आणि विष्णूच्या पाठीमागे उभे राहू नये. यासोबतच त्यांच्या मंदिरात दर्शनासाठी गेल्यास दर्शन घेताना त्यांना पाठ दाखवून बाहेर पडणार नाही याची काळजी घ्या, अशीही एक मान्यता आहे. यामुळे बुद्धी आणि पैसा दोन्ही नष्ट होतात. (Culture)

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.