Jalabhishek Niyam : महादेवाला देवांचे देव महादेव असे म्हटले जाते. त्यांचा स्वभाव फार भोळा आहे असे म्हटले जाते. जो कोणी महादेवाची मनोभावे भक्ती करतो त्यांना त्याचे फळ मिळते. महादेवाला प्रसन्न करण्यासाठी जलाभिषेक योग्य दिशेत आणि योग्य ठिकाणी उभे राहून करणेही तेवढेच महत्वाचे असते. तुम्ही चुकीच्या दिशेला उभे राहून जलाभिषेक केल्यास महादेवाचा कोपही होऊ शकतो. तेव्हा जाणून घ्या जलाभिषेक करण्याची योग्य पद्धत.

या दिशेत उभे राहून जलाभिषेक करू नका

पुराणात असे म्हटले आहे की महादेवाच्या शिवलिंगावर जल अर्पण करताना पूर्व, उत्तर किंवा पश्चिमेकडे तोंड करू नये. याचे कारण म्हणजे भगवान शंकराचे खांदे, पाठ इत्यादी या दिशांना आहेत. या दिशेला तोंड करून जल अर्पण केल्याने कधीही शुभ फळ मिळत नाही.

पूर्व दिशेला उभे राहून जलाभिषेक करू नका

शास्त्रानुसार पूर्वेला शिवाचे (Lord Shiv) मुख्य द्वार आहे. त्यामुळे त्या दिशेला तोंड करून शिवलिंगाला जल अर्पण केल्याने दारात अडथळे निर्माण होतात. त्यामुळे पूर्व दिशेला तोंड करून कधीही जलाभिषेक करू नये.

जलाभिषेक करण्याची योग्य दिशा कोणती?

धार्मिक विद्वानांच्या मते, शिवलिंगावर जल अर्पण करण्यासाठी दक्षिण दिशा सर्वोत्तम मानली जाते. असे केल्याने पुण्य प्राप्त होते. तसेच शिवलिंगावर एकाच वेळी जल अर्पण करण्याऐवजी प्रवाहात थोडे थोडे जल अर्पण करा. असे केल्याने भोलेनाथ लवकर प्रसन्न होतात आणि त्या व्यक्तीवर भोलेनाथांची कायम कृपा राहाते. (Astrology)

डिस्क्लेमर - वरील लेख पुराणातील माहितीवर आधारलेला असून सकाळ समुह याची पुष्टी करत नाही.