Tulsi Mala Rule : हिंदू धर्मात तुळशीच्या रोपाला देवाचे रूप मानून त्याची मनोभावे पूजा केली जाते. सकाळी-संध्याकाळच्या वेळेस या रोपास जल अर्पण करणे तसंच त्यासमोर दिवा लावण्याची परंपरा आहे. कारण या रोपास देवी लक्ष्मीचे रूप मानले जाते. 

असे म्हणतात की तुळशीचे रोप घरामध्ये लावल्यास घरातील नकारात्मक ऊर्जा दूर होते, घराची प्रगती होते. दुसरीकडे काही मंडळी तुळशीचे माळ देखील गळ्यामध्ये घालतात. पण ही माळ घातल्यानंतर तुम्हाला काही नियमांचं पालन करणं आवश्यक आहे.  

तुळशीच्या माळा गळ्यात घातल्यानंतर या नियमांचं करा पालन (Rules for wearing Tulsi Mala) 

• जे लोक तुळशीची माळ गळ्यात घालतात, त्यांनी सात्विक भोजनाचे सेवन करावे. मांसाहार, मद्यपान करू नये. 

• तुळशीची माळ घातल्यानंतर लसूण-कांद्याचे देखील सेवन करू नये.  

• तुळशीच्या माळेचा सन्मान देखील करावा.

• तुळशीची माळ एकदा गळ्यात घातल्यानंतर पुन्हा-पुन्हा काढू नये. तसंच ही माळ परिधान करण्यापूर्वी गंगाजलने स्वच्छ धुऊन घ्यावी. माळ सुकल्यानंतर ती गळ्यात घालावी.  

• तुळशीची माळ गळ्यात घालायला त्रास होत असेल तर आपण उजव्या हातात माळ गुंडाळूनही घालू शकता. तसंच दैनंदिन क्रिया करताा ही माळ गळ्यातून काढून ठेवावी व परिधान करण्यापूर्वी गंगाजलने धुवावी. 

प्रेमानंदजी महाराज यांनीही सांगितले काही नियम

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.